പ്രേമം ❤️ 9 [ Vishnu ] 639

അവനു അവളെ ഫേസ് ചെയ്യുന്നതിൽ ചെറിയ ബുദ്ധിമുട്ട് തോന്നി…നേരത്തെ അവളുടെ മുന്നിൽ വച്ചുതന്നെ വായിനോക്കി നിന്നത് അവളുടെ മുന്നിൽ അവന്റെ വില കളഞ്ഞില്ലേ എന്നൊരു തോന്നൽ..

 

“ഹൃഷി എന്താ ഒന്നും മിണ്ടാത്തത്…”

 

അത് കേട്ട അവൻ അവളെ നോക്കി ഒന്നു ചിരിച്ചു..

 

“ഒന്നുല്ല…”

 

“ഹൃഷിക്ക് എന്നോട് എന്തോ പറയാൻ ഉണ്ടെന്നും എന്നോട് പ്രേമം ആണെന്നും ഒക്കെ കേട്ടല്ലോ…ശരിയാണോ..”

 

അത് കേട്ട അവനു ഇടിവെട്ടിയത് പോലെയാണ് തോന്നിയത്…

 

“ഈശ്വരാ ഇവൾ എങ്ങനെ ഇതറിഞ്ഞു….ഇനി ശ്യമോ ആനന്ദോ വല്ലതും പറഞ്ഞോ…പറഞ്ഞെങ്കിൽ അവന്റെ കാര്യം പൊക്കാ..”

 

അവൻ മനസ്സിൽ പറഞ്ഞു..

 

“താരയോട് ഇതാര പറഞ്ഞത്…”

 

അവൻ വിക്കി വിക്കി ചോദിച്ചു…

 

“എന്നോട് ആരും പറഞ്ഞില്ല…ഞാൻ കണ്ടു പിടിച്ചതാ…”

 

“അപ്പൊ അത് തന്നെ.. എന്റെ വായ നോട്ടം കണ്ടിട്ട് അവൾ കണ്ടുപിടിച്ചു….ഞാൻ തീർന്നു.”

 

അവൻ മനസ്സിൽ പറഞ്ഞു..അവൻ വിയർത്തോലിക്കാൻ തുടങ്ങി..

 

“അത് പിന്നെ….താര ഐ ആം സോറി…അറിയാതെ പറ്റിപോയതാ….”