പ്രേമം ❤️ 9 [ Vishnu ] 639

അപ്പോഴാണ് അവൻ സ്വബോധത്തിലേക്ക് വന്നത്…ഇത്രയും നേരം അവളുടെ മുൻപിൽ വച്ചുതന്നെ അവളെ വായിനോക്കി എന്നു മനസ്സിലാക്കിയ നിമിഷം അവനു ചെറിയ ചമ്മൽ തോന്നി..

 

അത് കണ്ടതും അവൾക്ക് ചിരിയാണ് വന്നത്..അത് കണ്ടപ്പോഴാണ് ഹൃഷിക്ക് ആശ്വാസം ആയത്…അവനും അവളെ നോക്കി ചിരിച്ചു..

 

“താര…”

 

അവൾ സ്വയം പരിചയപ്പെടുതിക്കൊണ്ടു അവൾക്ക് കൈ കൊടുത്തു..

 

“ഹൃഷി…”

 

അവനും അവൾക്ക് കൈ കൊടുത്തു..അവളുടെ കയ്യിൽ പിടിച്ചപ്പോൾ തന്നെ അവനു വല്ലാത്ത ഫീൽ ആണ് വന്നത്…

 

“ഹൃഷിക്ക് ബുദ്ധിമുട്ട് ഇല്ലെങ്കിൽ എന്നെയൊന്നു സഹായിക്കാമോ…”

 

“എന്താ പറഞ്ഞോളൂ..”

 

“എന്നെയൊന്നു അവിടെ ആ തറയിൽ ഇരുത്തുമോ…”

 

“അതിനു എടുക്കേണ്ടി വരില്ലേ…”

 

“അതിനാണല്ലോ സഹായം ചോദിച്ചത്..”

 

അവളുടെ മറുപടി കേട്ടാണ് അവനു ചോദിച്ചതിൽ ഉള്ള അബദ്ധം മനസ്സിലായത്..അവൻ അവളെ വീൽചെയറിൽ നിന്നും അവന്റെ കൈകളിൽ എടുത്തു അവളെ ആ ആൽത്തറയിൽ ഇരുത്തി…ശേഷം അവനും അവളുടെ അടുത്തിരുന്നു..