പ്രേമം ❤️ 9 [ Vishnu ] 639

“ആർക്ക്..”

 

“താര എന്ന ചേച്ചിയുടെ പേര്.. ഏട്ടന്റെ ഫ്രണ്ട് അല്ലെ..”

 

അത് പറഞ്ഞതും ഹൃഷിയുടെ കയ്യിൽ ഉണ്ടായിരുന്ന ബാഗ് താഴെ വീണുപോയി..അവന്റെ കൈകൾ വിറച്ചു…

 

“ഏത് ആസ്പത്രിയിലേക്കാ പോയത്..”

 

“അടുത്തുള്ളത് അപ്പോളോ ഹോസ്പിറ്റൽ അല്ലെ..അവിടേക്ക് ആയിരിക്കും…”

 

അത് കേട്ടതും അവനും ആനന്ദും ആ ആശുപത്രിയിലേക്ക് ചെന്നു…അവിടെ എത്തിയപ്പോൾ തന്നെ അവിടെ  പുറത്തുളള ഇരുമ്പു കസേരയിൽ ഇരിക്കുന്ന സെലിനെ കണ്ടു..

 

അവിടെ ഐ സി യു വിന്റെ മുന്നിൽ കുറച്ചു ആൾകാർ ഉണ്ടായിരുന്നു…ഹൃഷിയുടെ മനസ്സിൽ പേടി ഇരുണ്ടുകൂടി…അവൻ മനസ്സിൽ ദൈവത്തോട് മനമുരുകി പ്രാർത്ഥിച്ചു….

 

അപ്പോഴാണ് ഒരു  ഡോക്ടർ പുറത്തേക്ക് ഇറങ്ങി വന്നു അവരോടു സംസാരിച്ചത്…അയാളുടെ സംസാര രീതി കേട്ടതും ഹൃഷി തിരിഞ്ഞു നടക്കാൻ തുടങ്ങി…

 

പിന്നിൽ ഉയർന്നുവന്ന നിലവിളി ശബ്ദങ്ങൾ ഒന്നും അവൻ ശ്രദ്ധിച്ചില്ല..അവൻ ആകെ മരവിച്ചു പോയിരുന്നു..

 

അവൻ നേരെ അവിടെയുള്ള വാഷ്‌റൂമിൽ കയറി…പിന്നീട് അവനു പിടിച്ചു നിൽക്കാൻ കഴിഞ്ഞില്ല…അവൻ പൊട്ടി കരയാൻ തുടങ്ങി..