പ്രേമം ❤️ 9 [ Vishnu ] 639

ഹൃഷി അതെല്ലാം കേട്ടുകൊണ്ട് തല താഴ്ത്തി നിന്നു…അവൾ പറയുന്നത് ശരിയാണ്… നന്ദന..അവളെ അവനു അങ്ങനെ മറക്കാൻ കഴിയില്ല…എത്ര ശ്രമിച്ചാലും അവൾക്ക് പകരം എന്ന രീതിയിൽ മറ്റൊരാളെ കൊണ്ടുവരാൻ കഴിയില്ല…അവൻ എല്ലാം കേട്ടു കൊണ്ടിരുന്നു..

“ഹൃഷി….”

അവളുടെ ആ വിളി കേട്ട ഹൃഷി കണ്ണുകൾ തുടച്ച ശേഷം അവളെ നോക്കി…അവന്റെ കണ്ണിൽ നിന്നും വെള്ളം വന്നത് അവൾക്ക് മനസ്സിലായി…

“ഹൃഷിയോട് എനിക്ക് ഇവിടെ മറ്റാരോടും ഇല്ലാത്ത ഒരു ഇഷ്ടം ഉണ്ട്….വിശ്വാസം ഉണ്ട്..അതെന്ത് കൊണ്ടാണെന്ന് അറിയുമോ..”

അവളുടെ ആ ചോദ്യം കേട്ട ഹൃഷി മനസ്സിലാകാതെ അവളെ നോക്കി..

“എന്നെ ആദ്യമായി കണ്ട എല്ലാരുടെയും മുഖത്ത് ഞാൻ കാണുന്നത് എന്തെന്ന് അറിയുമോ…സഹതാപം..

ചെറുതാകുമ്പോൾ  മുതൽ എന്നെ എല്ലാരും ഒരു തരം സഹതാപതോടെയാണ് നോക്കികാണാറുള്ളത്…ബാക്കി ഉള്ളവരിൽ നിന്നും വിത്യാസം ഉള്ളതുകൊണ്ട് അവരെ കുറ്റം പറയാൻ പറ്റില്ല…

അച്ഛനും അമ്മയും കുട്ടുവും ആണ് എന്റെ കുടുംബം..എന്റെ അനുജൻ ആണ് കുട്ടു…പിന്നെ സെലിൻ…എന്റെ കൂടെ എപ്പോഴും കാണാറില്ലേ…അവളും എന്നും എന്റെ കൂടെ ആയിരുന്നു..കുട്ടിക്കാലം മുതൽ..