പ്രേമം ❤️ 9 [ Vishnu ] 640

അങ്ങനെ അപ്പോഴാണ് ദിവസങ്ങൾ നീളുന്ന ഒരു വലിയ ആർട്‌സ് ഫെസ്റ്റ് നമ്മുടെ കോളജിൽ വന്നത്…ആ ചുറ്റു വട്ടത്തുള്ള എല്ലാ കോളേജിലേയും പിള്ളേർ പങ്കെടുക്കുന്ന ഒരു വലിയ ഫെസ്റ്റ് ആയിരുന്നു അത്…

അതിൽ ഒരു പണിയും ഇല്ലാതെ കറങ്ങി തിരിഞ്ഞു നടക്കുക എന്ന ഐറ്റം ആണ് മൂന്നു പേരും എടുത്തത്…അങ്ങനെ ഫെസ്റ്റിന്റെ നാലാം ദിവസം വൈകുന്നേരം ആയിരുന്നു അന്ന്…

കോളേജിന്റെ പുറത്തു കുറച്ചു വിജനമായ സ്ഥലത്തായിരുന്നു ആൽ തറ…അത് തന്നെ ആയിരുന്നു അവരുടെ സ്ഥലവും…ഒരു ശബ്ദവും ശല്യവും ഇല്ലാതെ സുഖമായി ഇരിക്കാം എന്നത് കൊണ്ട് തന്നെ ഹൃഷി അവിടെക്ക് ചെന്നു..

എന്നാൽ മറ്റു രണ്ടുപേരും അവിടെ ഇല്ലായിരുന്നു..അവർ വരും എന്ന് അറിയുന്നത്കൊണ്ടുതന്നെ അവൻ ആ ആൽത്തറയിൽ ഇരുന്നു  

കുറച്ചു നേരം അവൻ അവിടെ തൂങ്ങി നിൽക്കുന്ന കളർ ബള്ബിലും ഒക്കെ നോക്കി നിന്നു..

“ഹെലോ..”

ആ വിളി കേട്ടതും അവൻ ആ ഭാഗത്തേക്ക് നോക്കി..അവന്റെ അടുത്തു ഉണ്ടായിരുന്ന ആളെ കണ്ടു അവൻ ഒന്നു ഞെട്ടി…താര..

ഒരു കറുത്ത ചുരിദാർ ധരിച്ച അവളെ അതിൽ വളരെ സുന്ദരിയായി അവനു തോന്നി..അവന്റെ നോട്ടം കണ്ട അവൾ ചിരിച്ചുകൊണ്ട് അവന്റെ മുഖത്തിന്റെ മുൻപിൽ വച്ചു ഒന്നു ഞൊട്ടി..