പ്രേമം ❤️ 9 [ Vishnu ] 640

ഹൃഷിയെ കാണാതെ ആയപ്പോൾ ആനന്ദും അവനെ അന്വേഷിച്ചു അവിടേക്ക് വന്നിരുന്നു..ആനന്ദിന്റെ അവസ്ഥയും മറിച്ചല്ലായിരുന്നു…

എന്നാൽ അവൻ ഹൃഷിയെ ആശ്വസിപ്പിക്കാൻ നോക്കി..എന്നാൽ അവനു അതിനു കഴിഞ്ഞില്ല… ഹൃഷിയുടെ സങ്കടം അണപൊട്ടിയൊഴുകി….

____________________________________

ഇതൊക്കെ കേട്ടു നിന്നിരുന്ന നന്ദനയുടെയും കണ്ണുകൾ നിറഞ്ഞു ഒഴുകിയിരുന്നു..സിധുവിനെയും അവസ്ഥ അതുപോലെതന്നെ ആയിരുന്നു..

“അവൻ അതിനു ശേഷം വല്ലാതെ മാറി…അവനു പഴയ ഹൃഷി ആകാൻ വേണ്ടി കുറെ കാലം എടുത്തു..

അതിനു അവനെ സഹായിച്ചത് അവൻ അവൾക്ക് നൽകിയ വാക്കാണ്…അവൻ ആ വാക്ക് പാലിച്ചു…അവൻ പതിയെ ആ പഴയ ഹൃഷി ആയി മാറി..അവൻ അവളുടെ ഓർമകളെ തൽകാലം മറന്നു..

അവൻ അവന്റെ ജീവിതത്തിലേക്ക് പിന്നെയും വന്നു…പിന്നീടാണ് അവൻ ബാങ്കിൽ ജോലിക്ക് കയറിയതും നമ്മൾ രണ്ടാളും ഒരുമിച്ചു ഹോട്ടൽ തുടങ്ങിയതും…

താര പറഞ്ഞതുപോലെ അവനു പിന്നെയും അറിയാതെ ആണെങ്കിൽകൂടിയും നിന്നെ കാണാൻ ഇടയായി…നിങ്ങളുടെ കല്യാണം കഴിഞ്ഞു….

അപ്പോഴും അവൻ കരുതി..ഒരു ദിവസം നീ അവനെ സ്നേഹിക്കും എന്നു…അവന്റെ ഉള്ളിൽ ഉള്ള സ്നേഹം എല്ലാം നിനക്ക് തരാൻ കഴിയും എന്ന്…പക്ഷെ …”