പ്രണയമഴ ?5 342

 

“I need a deep kiss…!!” അവളുടെ ചുണ്ടുകൾ അവന്റെ വിരലുകൾക്കിടയിൽ ഞെരിഞ്ഞമർന്നു… കണ്ണുകൾ അടച്ച് അവന്റെ ചുംബനത്തെ വരവേൽക്കാൻ അവൾ സമ്മതം അറിയിച്ചു…

 

 

ക്ഷണനേരം കൊണ്ട് അധരദളങ്ങൾ പരസ്പരം കോർത്തിണങ്ങി… പരസപരം വിട്ട് കൊടുക്കാതെ രണ്ടുപേരും മത്സരിച്ച് ചുംബിച്ചു… അവളുടെ കൈകൾ അവന്റെ പിൻകഴുത്തിൽ വെറുതെ തഴുകി കൊണ്ടിരുന്നു… ആദ്യം വയറിൽ അമർന്ന അവന്റെ കൈകൾ മെല്ലെ മുകളിലേക്ക് സഞ്ചരിച്ചു… കുറുകലോടെ അവൾ അവനിലേക്ക് കൂടുതൽ പറ്റിച്ചേർന്നു… വീണ്ടും ഒരു *പ്രണയമഴ…?* രണ്ടുപേരെയും നനയിച്ച് കൊണ്ട് പെയ്തിറങ്ങി…

 

 

___________________?

 

 

സമയം ഉച്ചയോട് അടുത്തിട്ടുണ്ട്… മാനസിയും ഇന്ന് ലീവ് എടുത്തു… ഉച്ചക്കുള്ള ഭക്ഷണം ഉണ്ടാക്കുന്ന തിരക്കിൽ ആണ് അവൾ… പുറത്ത് ചെറുതായി മഴ പൊടിയുന്നുണ്ട്… രാവിലെ ടാബ്ലറ്റ് എടുത്തപ്പോൾ തന്നെ അശ്വിന്റെ പനി ഏകദേശം മാറിയിരുന്നു… ചെറുതായി ക്ഷീണം ഉള്ളത് കൊണ്ട് ഒന്ന് കിടന്നുറങ്ങി…

 

 

തുറന്നിട്ട ജനലിലൂടെ കാറ്റ് വീശിയതും അവളുടെ ശരീരം തണുത്ത് വിറച്ചു…

 

 

“ന്റെ കണ്ണാ ചെക്കന്റെ കൂടെ കിടന്നിട്ട് നിക്കും പനി വരുന്നുണ്ടോ…” ആരോടെന്ന് ഇല്ലാതെ അവൾ പറഞ്ഞു… വയറിൽ ദൃഡമായ രണ്ട് കൈകൾ ചുറ്റിവരിഞ്ഞു… മുടിയെല്ലാം വാരിയെടുത്ത് മുന്നിലേക്ക് ഇട്ട് കൊണ്ട് അവൻ താടി എടുത്ത് അവളുടെ തോളിൽ അമർത്തി… അവനെ ഒന്ന് നോക്കി ചിരിച്ച് കൊണ്ട് അവൾ ചെയ്യുന്ന പണി തുടർന്നു…

 

 

“മീനൂട്ടിയേ ഏട്ടന്റെ കൂടെ കിടന്ന് നിനക്കും പനി വന്നോ… ചെറിയ ചൂടുണ്ടല്ലോ…”

 

 

“ഹ്മ്മ് വന്നെന്നാ തോന്നുന്നേ… കണ്ണൊക്കെ മഞ്ഞളിക്കുന്നുണ്ട്…”

 

 

“സാരില്ല…പനി മാറാൻ നമുക്ക് ഇന്നലത്തെ വിദ്യ പായറ്റാന്നെ… ഞാൻ കണ്ടില്ലേ ആ വിദ്യ പയറ്റിയിട്ട് പയർ മണി പോലെ നടക്കുന്നത്…” കണ്ണിറുക്കി കള്ളച്ചിരിയോടെ അവൻ പറഞ്ഞു…

 

 

“ദേ മനുഷ്യാ അങ്ങോട്ട് വിട്ട് നിന്നെ… മനുഷ്യന് താങ്ങാവുന്നതിലും അപ്പുറം വിദ്യ പയറ്റിയിട്ടുണ്ട്… ഇനി കുറച്ചങ്ങോട്ട് മാറി നിന്നാട്ടെ…” മുഖത്ത് ഗൗരവം വാരി വിതറി അവൾ അവനെ തുറിച്ച് നോക്കി…