പ്രണയമഴ ?5 342

“ഇന്നെന്റെ ബര്ത്ഡേ ആണോ…?? ഏയ് അല്ല.. ഇനി വെഡിങ് ആനിവേഴ്സറി..?? ഏയ് അതും അല്ല… പിന്നെ എന്താ… ഈ പെണ്ണിത് എവിടെ പോയി…”അവൻ കയ്യിലെ ബോക്സിലേക്ക് നോക്കി പിറുപിറുത്ത് കൊണ്ട് ചുറ്റും മാനസിക്കായ് തിരഞ്ഞു… എവിടെയും കാണാത്തത് കൊണ്ട് ബാഗ് എടുത്ത് ടേബിളിൽ വെച്ച് ബോക്സ്‌ തുറന്നു…

 

 

പ്രെഗ്നൻസി കിറ്റിലെ രണ്ട് കറുത്ത (ഇനി ചൊമല ആണോ… എനിക്കറിയില്ല തെറ്റാണെൽ തിരുത്തി വായിക്കണേ ?) വര കണ്ട് അത്ഭുതം കൊണ്ട് അവന്റെ കണ്ണുകൾ വിടർന്നു… ഒരിറ്റ് കണ്ണുനീർ തറയിൽ പതിച്ചു… കണ്ണിമയ്ക്കാതെ അതിലേക്ക് തന്നെ നോക്കി കൊണ്ടിരുന്നു…

 

 

*Welcome to home pappaa…!!* പിറകിലൂടെ ചെന്നു അവനെ തന്നിലേക്ക് അടക്കി പിടിച്ച് കൊണ്ട് അവൾ ആർദ്രമായി മൊഴിഞ്ഞു… അവന്റെ പുറത്ത് കവിളമർത്തി കിടന്നു…ഒന്ന് ഞെട്ടി കൊണ്ടവൻ മനോഹരമായി ചിരിച്ചു കൊണ്ട് അവളുടെ കയ്യിന് മേൽ പതിയെ തലോടി കൊണ്ടിരുന്നു…

 

 

“Such a bliss moment…” അവളെ പിടിച്ച് തന്നിലേക്ക് തിരിച്ച് നിർത്തി നെറ്റിയിൽ അമർത്തി ചുംബിച്ചു അവൻ…

 

 

“എനിക്ക് ഇന്നലെയാ അറിയായിരുന്നു പിന്നെ ഒരു സർപ്രൈസ് ആയിക്കോട്ടെ എന്ന് കരുതി കുറച്ച് അറേഞ്ജ്‍മെന്റ് ഒക്കെ ചെയ്ത് ഒന്ന് ഞെട്ടിക്കാം ഒന്ന് കരുതി ….” ഒറ്റക്കണ്ണിറുക്കി കൊണ്ട് അവൾ പറഞ്ഞതും അവനൊന്ന് ചിരിച്ച് പോയി… കുറുമ്പ് നിറഞ്ഞ മുഖം ആകെ അവന്റെ ചുണ്ടുകൾ പാഞ്ഞ് നടന്നു…

 

 

അവന്റെ നെഞ്ചിൽ കൈകൾ അമർത്തി ചിരിയോടെ അവൾ എല്ലാം ഏറ്റ് വാങ്ങി… അവളെ തന്റെ കയ്യിലേക്ക് കോരി എടുത്ത് കൊണ്ട് അവൻ ബെഡിലേക്ക് ചാരി ഇരുന്നു… ടോപ്പ് പൊക്കി മുഖം കുനിച്ച് വയറിൽ പതിയെ ചുംബിച്ചു…(?ക്ളീഷേ)

 

 

അവന്റെ മുടിയിഴകളിൽ വിരലുകൾ മെല്ലെ കൊരുത്ത് വലിച്ച് കൊണ്ട് അവൾ അനങ്ങാതെ കിടന്നു കൊടുത്തു…

 

 

“ഞാൻ ഭാഗ്യവതി ആണല്ലേ അച്ചേട്ടാ…!!”

 

 

“അതെന്താ…”

 

 

“അല്ല ഇനിയിപ്പോ വേറെ ആരും എന്റെ പ്രസവം നോക്കണ്ടല്ലോ… സ്വന്തം ഭർത്താവ് തന്നെ ഒരു വയറ്റാട്ടി അല്ലിയോ…” ചിരി അടക്കി കൊണ്ടവൾ മെല്ലെ പറഞ്ഞു…

 

 

“ഡീ പെണ്ണേ… വയറ്റാട്ടി നിന്റെ തന്ത ആണെടി…” കൂടുതൽ അവളെ മുറുക്കി പിടിച്ച് കൊണ്ടവൻ പറഞ്ഞു…

 

 

“ദേ എന്റെ അച്ഛനെ പറഞ്ഞാൽ ഉണ്ടല്ലോ…” അവന് നേരെ വിരൽ ചൂണ്ടി കൊണ്ടവൾ മൂക്ക് വീർപ്പിച്ചു…