പ്രണയമഴ ?5 342

“സത്യം പറഞ്ഞോണം… നിങ്ങൾക്ക് ആ പെണ്ണുംപിള്ളയോട് ഇപ്പോഴും ഇഷ്ട്ടം ഉണ്ടോ…??” മുഖത്ത് ഗൗരവം വിടാതെ അവൾ ചോദിച്ചു… അശ്വിന്റെ മിഴികൾ വിടർന്നു… അത്ഭുതത്തോടെ അവളെ നോക്കി… സ്ത്രീകൾ സ്നേഹിക്കുന്നവരുടെ കാര്യത്തിൽ സ്വാർത്ഥർ ആണെന്ന് കേട്ടിട്ടുണ്ട്…

 

 

തമാശക്ക് പറഞ്ഞൊരു കാര്യം ഇവൾ കാര്യമാക്കി എടുത്തിരിക്കുന്നു… അതിനർത്ഥം എന്നോടും സ്വാർത്ഥത കാണിക്കാൻ ഒരാൾ ഉണ്ടെന്നല്ലേ… അവന്റെ കണ്ണുകൾ നിറഞ്ഞ് തൂവി… മുന്നോട്ട് ആഞ്ഞ് അവളെ ഇറുക്കി കെട്ടിപിടിച്ചു…

 

അവന്റെ കണ്ണുകൾ നിറഞ്ഞിരിക്കുന്നത് കണ്ടതും മാനസിക്കും വല്ലാണ്ടെ ആയി… ചോദിക്കേണ്ടെന്ന് തോന്നിപ്പോയി അവൾക്ക്…

 

“ഞാൻ… ചുമ്മാ കളിപ്പിക്കാൻ വേണ്ടി… അറിയാതെ… അത് പിന്നെ…” എന്ത് പറയണം എന്നറിയാതെ അവൾ നന്നേ കുഴങ്ങി…

 

 

“എനിക്ക് നിന്നെയാ അന്നും ഇന്നും ഇനിയെന്നും ഇഷ്ട്ടം…” അവളെ കൂടുതൽ തന്നോട് പൊതിഞ്ഞ് പിടിച്ച് കൊണ്ട് അവൻ അവളുടെ തലയിൽ കവിൾ അമർത്തി വെച്ചു…പിന്നെ കൂടുതൽ ഒന്നും പറയാതെ അവളും കണ്ണടച്ച് അവനിലേക്ക് പറ്റിച്ചേർന്നു….

 

 

_____________________?

 

 

“ഇച്ചിരി ചായ എടുക്കട്ടെ…”

 

 

“എനിക്ക് വേണ്ടാ…”

 

 

“എന്നാൽ അച്ചേട്ടൻ വാ ഞാൻ ഇന്ന് കുറച്ച് പായസം വെച്ചിട്ടുണ്ട് അത് കുടിക്കാം…”

 

 

“എനിക്ക് വേണ്ടാന്നെ…”