പന്ത്രണ്ടാം ? തീയാട്ട് [ Sajith ] 1413

അന്ന് തല്ലിനിടയ്ക്ക് മുഖം മൂടിയിട്ട ആളിനെ കത്തി വച്ച് വെട്ടുന്നതായി അപ്പൂന് എവിടെയോ ഒരു ചെറിയ ഓർമ്മയുണ്ട്. നെഞ്ചിലാണ് വെട്ടിയതെന്ന് കണ്ടിട്ടുമുണ്ട്. അതിന് ശേഷമാണ് അപ്പൂൻ്റെ ബോധം പോയത്.

വെട്ട് കൊണ്ടത് കുഞ്ഞൂട്ടനായിരിക്കുമോ എന്നായിരുന്നു അന്ന് കാലത്തേ വരെ അപ്പൂൻ്റെ സംശയം. സംഭവം നടക്കുന്ന നേരത്ത് ഇറങ്ങി ചെന്ന് തടയണം എന്ന് കരുതിയതുമാണ്. ഭാഗ്യത്തിന് ഒന്നും പറ്റിയില്ല. അതും അയാള് അന്ന് എന്തൊരു വയലൻ്റായാണ് പെരുമാറിയത്. അപ്പു കണ്ടിട്ടുള്ള കുഞ്ഞൂട്ടൻ വളരെ ശാന്ത സ്വഭാവക്കാരനാണ്. ആരോടും അങ്ങോട്ട് പ്രശ്നത്തിനൊന്നും പോവാറില്ല.

ഇന്ന് ക്ഷേത്രത്തിൽ കൊണ്ടോവാണങ്കി പ്രതക്ഷിണത്തിൻ്റെ സമയത്ത് ഷർട്ടഴിക്കുപം കാണാലോ വെട്ടിൻ്റെ പാടുണ്ടോന്ന്. അപ്പു എന്ത് പറഞ്ഞേലും കൊണ്ടോവണം എന്ന് തന്നെ കണക്ക് കൂട്ടി.

തലേന്ന് നിശ്ചയത്തിൻ്റെ തിരക്കിലും മറ്റും കുടിങ്ങി പോയതിൻ്റെ ക്ഷീണത്തിൽ നല്ല ഉറക്കമാണ് കുഞ്ഞൂട്ടൻ. അപ്പു കാലത്തെ ഒരു ആറ് മണിക്ക് കുഞ്ഞൂട്ടനെ വിളിക്കാനായി റൂമിലെത്തി. എവടെ.., വിളിച്ചത് കേട്ടതായി പോലും കുഞ്ഞൂട്ടൻ നടിക്കുന്നില്ല. അവസാനം അവൻ്റെ പൊറത്തൊരു കടി കൊടുത്തപ്പൊ അവൻ എഴുന്നേറ്റു. ക്ഷേത്രത്തിൽ പോണെന്ന് പറഞ്ഞപ്പൊ കുഞ്ഞൂട്ടൻ വീണ്ടും കിടന്നു. ഒരു വിധത്തിൽ അപ്പു അവനെ തള്ളി കുളിമുറിയിൽ കയറ്റി.

കുളിച്ചിറങ്ങിവരുമ്പൊ അവൻ്റെ നെഞ്ച് കാണാലോ എന്ന് അപ്പൂനൊരു ഐഡിയ തോന്നി അവള് മുറിയിൽ തന്നെ നിന്നു. കുഞ്ഞൂട്ടൻ്റെ കുളിയും മറ്റും കഴിഞ്ഞ് ഇറങ്ങി വരുന്നത് കണ്ടതും അപ്പൂൻ്റെ മുഖം വാടി. ഇന്നലെ ഇട്ടിരുന്ന ഷർട്ടിട്ട് കൊണ്ട് ദാ ഇറങ്ങി വരുന്നു.

“”നീ എന്താ ഈ കാട്ട്ണെ..””,””ക്ഷേത്രത്തിൽ പോണ്ടതാ..””,””പിന്നേം മുഷിഞ്ഞതാണോ എടുത്തിടണേ..””,””മ്മം…””, “”ഊരിക്കെ..””

അപ്പു കുഞ്ഞൂട്ടൻ്റെ ഷർട്ടിൽ കയറി പിടിച്ചു. പെട്ടന്നുള്ള പിടിയിൽ അവനൊന്ന് ഞെട്ടി. കുഞ്ഞൂട്ടൻ അവളെ തടഞ്ഞു.

“”അയ്യേ…””,””എന്താ നീ ഈ കാണിക്കണെ..””,””കൈയ്യിട്ക്ക് അപ്പൂ..””,

“”നീ കുപ്പായം മാറ്റ്…””,

“”ആഹ്.. മാറ്റിക്കോളാം..””,””നീയാദ്യം മുറീന്നെറങ്ങ്..””,

“”ഒന്ന് പോയെ ചെക്കാ…””,””ഞാൻ കാണാത്തതൊന്നും അല്ലല്ലോ..””, “”ഊരിക്കെ…””,

“”നീയോ…””,””എപ്പ കണ്ടൂന്ന്…””,

അപ്പൂൻ്റെ സംസാരം കേട്ട് കുഞ്ഞൂട്ടൻ്റെ കണ്ണ് രണ്ടും വെളിയിൽ ചാടി.

“”കൊളത്തിൽ കുളിച്ചപ്പം…””,

“”അയ്യേ…””,””കാമപ്രാന്തി…””,””കടക്ക് പൊറത്ത്…””,

“”ഓഹ് പിന്നേ ഒരു ജാഡ…””,””അഴിക്കടാ ഇത്..””,

അപ്പു ഷർട്ടേന്ന് പിടി വിടണില്ല… കുഞ്ഞൂട്ടൻ അവളെ തള്ളി തള്ളി വാതലിൻ്റെ അവടെ എത്തിച്ചു. അപ്പൂനെ വലിച്ച് പുറത്തേക്ക് ഇറക്കി. അപ്പു തള്ളി കയറാൻ നോക്കിയതും കുഞ്ഞൂട്ടൻ വാതലിനോട് ചേർന്ന് നിന്ന് അവളെ തടഞ്ഞു. ഉന്തിനും തള്ളിനും ഇടയ്ക്ക് കുഞ്ഞൂട്ടൻ അരയിൽ ചുറ്റിയിരുന്ന ടൗവ്വൽ വാതലിൻ്റെ കൊളുത്തിൽ കുടുങ്ങി പിടിച്ചു അവനത് കണ്ടില്ല.