പന്ത്രണ്ടാം 👹 തീയാട്ട് [ Sajith ] 1414

പന്ത്രണ്ടാം 👹 തീയാട്ട്

Sajith

Previous part

 

കഥയും കഥാപാത്രങ്ങളും കഥാസന്ദർഭങ്ങളും തികച്ചും സാങ്കൽപ്പികം മാത്രം.

ഈ കഥയിൽ വല്ല്യ ടിസ്റ്റുകൾക്കൊന്നും സ്ഥാനമില്ല. തീയാട്ട് വെറുമൊരു സാധാരണ കഥയാണ്.. ഓരോ വിലയേറിയ അഭിപ്രായങ്ങൾക്കും നന്ദി. വീണ്ടും പ്രതീക്ഷിക്കുന്നു.

★★★—★★★

പത്ത് മണിക്ക് തന്നെ അപ്പു ഇടവൂർക്കര എത്തി. കുഞ്ഞൂട്ടൻ അവൾക്ക് വേണ്ടി അവിടെ കാത്തു നിൽക്കുന്നുണ്ടായിരുന്നു. ചുങ്കത്തറയ്ക്കുള്ള അടുത്ത ബസിൽ തന്നെ രണ്ടു പേരും കയറി. വല്ല്യ തിരക്കൊന്നും ഇണ്ടായിരുന്നില്ല രണ്ടു പേരും ഒരേ സീറ്റിൽ തന്നെ ഇരുന്നു.

അപ്പു രാത്രി നടന്ന സംഭവങ്ങളെ കുറിച്ച് ഓരോന്ന് ആലോയിക്കയായിരുന്നു. ഇനി അതെങ്ങാനും ചെയ്തത് കുഞ്ഞൂട്ടനാവുമോ…?

കുറച്ച് നേരമായിട്ടും അപ്പു ഒന്നും മിണ്ടാഞ്ഞപ്പോൾ കുഞ്ഞൂട്ടൻ തന്നെ സംസാരിച്ച് തുടങ്ങി.

“”ഇന്ദിരാമ്മ എന്തേലും അത്യാവശ്യത്തിനാണോ വിളിപ്പിച്ചെ..””,””വയ്യായിക എന്തേലും ഇണ്ടായോ..””,

“”ഏയ് അതൊന്നും അല്ല..””,””മാമൻ വന്നിട്ട്ണ്ട്..””,

“”ഇന്ദിരാമ്മ യുടെയോ..””,

“”അമ്മേൻ്റെ അല്ല പൊട്ടാ..””,””ഇൻ്റെ മാമൻ.. ഗോവിന്ദൻ…””, “”അച്ഛൻ്റെ കൂടെ ഇറങ്ങി പോന്നന്ന് തൊട്ട് അമ്മേടെ വീട്ട്കാരെ പറ്റി ഒരു വിവരവും ഇല്ലായിരുന്നു…””,'”ഇതിപ്പൊ ഇരുപത്തഞ്ച് വർഷം കഴിഞ്ഞ് വര്ണതാ..””,””പെണക്കൊക്കെ മാറീട്ട്ണ്ടാവും..””,””അമ്മേൻ്റെ ആകെ ഇള്ള ഒരു ആങ്ങളയാണ്..””,””ഇനിക്ക് ആകെ ഇള്ള ഒരു അമ്മാവൻ..””,””ആകെ ഇള്ള ഒരു ബന്ധം…””,

ഇന്ദിരാമ്മ പ്രണയിച്ച് ഇറങ്ങി പോന്നതാണെന്ന് കുഞ്ഞൂട്ടനറിയാം. അവരുടെ വീട്ട്കാരെ കുറിച്ച് അവനോടങ്ങനെ പറഞ്ഞിട്ടുമില്ല. ഒരുപാട് കാലത്തിന് ശേഷം അവരുടെ പിണക്കമൊക്കെ മാറി ഒരേയൊരു പെങ്ങളേയും മോളെയും കാണാനായി വന്നിരിക്കയാണെന്ന് മാത്രം കുഞ്ഞൂട്ടന് മനസിലായി. അവനും സന്തോഷമായി. ഒരു സ്വന്തമെന്നോ ബന്ധമെന്നോ പറയാനായി ആരും ഇല്ലെന്നത് ഇന്ദിരാമ്മയുടെ ഏറ്റവും വലിയ സംങ്കടമായിരുന്നു ഇനി അത് ഉണ്ടാവില്ലല്ലോ. പക്ഷെ ഇവരുടെ കുടുംബകാര്യത്തിൽ കുഞ്ഞൂട്ടൻ എന്തിന് വരണം. തന്നെ എന്തിന് വിളിച്ച് കൊണ്ടു വന്നു എന്ന് കൂടി കുഞ്ഞൂട്ടൻ ആലോയിക്കാതിരുന്നില്ല.

“”കുഞ്ഞൂട്ടാ ഇന്നലെ ഒരു സംഭവം ഇണ്ടായി…””,

“‘എന്താ അപ്പൂ…””

””നീ ബാരിക്ക് തല്ല് കിട്ടിയെന്ന് ഇന്നെ വിളിച്ച് പറഞ്ഞില്ലേ…””,

അപ്പു സീറ്റിന് ചുറ്റും ഒന്ന് നോക്കി. അടുത്തൊന്നും ആരും ഇരിക്കുന്നില്ലെന്ന് ഉറപ്പാക്കി കുഞ്ഞൂട്ടനോട് ഒന്നൂടെ അടുത്തിരുന്ന് അപ്പു പതുക്കെ പറഞ്ഞു.

“”ആഹ് പറഞ്ഞു…””,

“”അത് എവടെ വെച്ചാ ഇണ്ടായെ..””,””ആരാ തല്ലിയെ എന്നൊക്കെ അറിഞ്ഞോ..””,