പന്ത്രണ്ടാം ? തീയാട്ട് [ Sajith ] 1413

“”വേണ്ടപ്പൂ അത് ശരിയാവില്ല…””,

“”അതെന്താ…””,””കഷ്ടം ഇണ്ട് കുഞ്ഞാവേ..””, “”നിനക്കിപ്പൊ ഇന്നെ ഇഷ്ടല്ലേ…””,

“”ഇഷ്ടാണല്ലോ…””,””അതോണ്ടാ ഇവടെ കെടക്കെണ്ടെന്ന് പറഞ്ഞെ…””,

“”അതെന്താടാ….””,

അപ്പു ഒരു ആക്കിയ ചിരി ചിരിച്ച് കുഞ്ഞൂട്ടനെ വീണ്ടും കളിയാക്കുന്ന മട്ടിൽ ചോദിച്ചു.

“”അതൊക്കെ ഇണ്ട്…””,

“”പ്ലീസ് കുഞ്ഞൂട്ടാ…””,””ഇന്നൊരു ദിവസം കൂടിയല്ലേ ഇവടെ കിടക്കാൻ പറ്റൊള്ളു..””,””ഒന്ന് സമ്മതിച്ച് താടാ…””

“”ശരി നീ കെടന്നോ…””,

“”നീയും കൂടെ വാ..””,

“”അതെന്തിനാ അപ്പൂ..””,

കുഞ്ഞൂട്ടൻ കണ്ണ് മിഴിച്ചു.

“”ചുമ്മാ എനിക്ക് കെട്ടിപിടിച്ച് കെടക്കാൻ..””,

“”അതിനായിരുന്നോ…””,””ആ തലേണയെടുത്ത് സുഗായി കെട്ടിപിടിച്ച് കിടന്നോ…””,

“”ച്ഛീ പോടാ…””,””നീയും കൂടി വാ കുഞ്ഞൂട്ടാ…””,

കട്ടിലിൽ കയറി ഒരു ഓരത്തേക്ക് നീങ്ങി കിടന്ന് അപ്പു രണ്ട് കയ്യുംനീട്ടി കുഞ്ഞൂട്ടനെ വിളിച്ച് കൊണ്ട് ചിണുങ്ങി.

അവനറിയാതെ ഒന്ന് ചിരിച്ച് പോയി. അപ്പൂൻ്റെ ഇപ്പഴും മാറാത്ത കുട്ടിത്തം കണ്ടാണവന് ചിരി വന്നത്. കുഞ്ഞൂട്ടൻ അവളെ കളിയാക്കിയതെന്ന് അപ്പൂന് തോന്നിയപ്പൊ നീട്ടിയ കൈ വലിച്ചു. ചുണ്ടും കൂർപ്പിച്ച് മറുവശത്തേക്ക് തിരിഞ്ഞു കിടന്നു.

രണ്ട് പേർക്കും പരസ്പരം ഇഷ്ടമാണെന്ന് അറായാം. പക്ഷെ അത് പറയാതെ പറഞ്ഞൊരു ഇഷ്ടമാണെന്ന് മാത്രം. രണ്ടു പേരും പരസ്പരം പറയില്ല. ചെറിയൊരു ഈഗോ ക്ലാഷാണെന്ന് കൂടി പറയാം. പക്ഷെ കുഞ്ഞൂട്ടന് ഒരു ഇളവുണ്ട്. അവൻ ഒരു പ്രാവശ്യം തൻ്റെ ഇഷ്ടം അപ്പൂനെ അറിയിച്ചതാണ്. അപ്പുവാണ് കൊറച്ച് വെയിറ്റിട്ട് നിന്നത്. അത് കഴിഞ്ഞ് രതീഷിൻ്റെ കാര്യവും പറഞ്ഞു. അതോടു കൂടി കുഞ്ഞൂട്ടൻ അപ്പുവുമായി ചെറിയൊരു അകലം പാലിച്ചു. എന്നിരുന്നാലും രണ്ടു പേർക്കും പരസ്പരം അറിയാം അവനവളെയും അവൾക്കവനെയും പ്രണയിക്കാൻ പറ്റുന്നുണ്ടെന്ന് അല്ലങ്കിൽ പ്രണയിച്ച് കൊണ്ടിരിക്കാണെന്ന്.

കട്ടിലിൻ്റെ മറുതലയ്ക്കെ എന്തോ വന്ന് അമരുന്നതായി അപ്പൂന് അനുഭവപ്പെട്ടു. ശരീരം ചെരിക്കാതെ തലമാത്രം ചരിച്ച് അവള് പുറകിലേക്ക് നോക്കി. അതാ അപ്പു തിരിയുന്നതും കാത്ത് അവളേ തന്നെ നോക്കി ഒരു പുഞ്ചിരിയോടെ കിടക്കുന്ന കുഞ്ഞൂട്ടൻ. അപ്പൂൻ്റെ ചുണ്ടിലും ഒരു പുഞ്ചിരി വന്നു. അവള് വേഗം തിരിഞ്ഞു കുഞ്ഞൂട്ടൻ്റെ അരികിലേക്ക് ഒട്ടി കിടന്നു. രണ്ടു പേരുതെയും നിശ്വാസം തമ്മിൽ തമ്മിൽ കൂട്ടിമുട്ടി. പരസ്പരം സംസാരിച്ചാൽ ചിലപ്പൊ ചുണ്ടുകളും കൂട്ടിമുട്ടിയേക്കാം. അപ്പു ഒരു കാലെടുത്ത് അധികാര ഭാവത്തോടെ കുഞ്ഞൂട്ടൻ്റെ മേത്ത് കൂടി വച്ചു. കുഞ്ഞൂട്ടന് അവളുടെ പ്രവർത്തിയിൽ ചിരി വന്നു.