പന്ത്രണ്ടാം ? തീയാട്ട് [ Sajith ] 1413

“”ഇന്നലെ ഒറങ്ങിയില്ലേ…””,

കുഞ്ഞൂട്ടൻ ഒരു ചിരിയോടെ ചോദിച്ചപ്പൊ അപ്പു ഒന്ന് ചിരിച്ചു. പൈപ്പിൽ നിന്ന് വെള്ളമെടുത്ത് അവൻ്റെ മേത്തേക്ക് തെറുപ്പിച്ച് ഒറ്റ ഓട്ടം വെച്ച് കൊടുത്തു. അവളെ പിടിക്കിനായി കൂടെ കുഞ്ഞൂട്ടനും.

അപ്പു ഓടി പോയി വരാന്തയിൽ നിന്നു. സ്റ്റുഡൻസൊക്കെ വന്ന് തുടങ്ങി അവരുടെ മുന്നിൽ വെച്ച് കുഞ്ഞൂട്ടൻ ഒന്നും ചെയ്യില്ലെന്ന് അവൾക്ക് അറിയാം. അവൻ ഓടി വന്ന് അപ്പൂൻ്റെ കൈയ്യിൽ പിടിച്ച് വരാന്തയിൽ നിന്നും മുന്നോട്ടേക്ക് നടന്നു. കുഞ്ഞൂട്ടൻ വലിക്കുന്നതിൻ്റെ കൂടെ അപ്പുവും.

“”നിനക്ക് ഞാൻ തരാടീ…””,””കഴിഞ്ഞ ആഴ്ചേ കൂടി ഇന്ദിരാമ്മ വിളിച്ചപ്പൊ പറഞ്ഞൊള്ളു പെണ്ണിനെ പിടിച്ച് കെട്ടിക്കണംന്ന്…””,””അവളാ ഈ കുട്ടികളീം ആയി നടക്കണെ…””,””ദേവീ ഇവളെ കെട്ടുന്ന ചെക്കനെ കാത്തോളണേ…””,

അപ്പൂൻ്റെ കൈയ്യും വലിച്ച് മുന്നോട്ട് നടക്കുന്നതിനിടെ നെഞ്ചത്ത് കൈ വെച്ച് കുഞ്ഞൂട്ടൻ അപ്പൂനെ കളിയാക്കി.

“”ഓഹ്… നിനക്കത്ര ദണ്ണമാണെങ്കി നീ എന്നെ കെട്ടിക്കോടാ…””,

അപ്പു മുഖത്ത് നോക്കാതെ പറഞ്ഞ് സാരിയുടെ തുമ്പ് ഇടുപ്പിലൂടെ ചുറ്റി കുഞ്ഞൂട്ടൻ്റെ കൈയ്യും വിടുവിച്ച് കുഞ്ഞൂട്ടൻ്റെ തോളിനോട് ചേർന്ന് നടന്നു.

“”അയ്യോ അത് നടക്കില്ല തമ്പ്രാട്ടീ…””,””ഞങ്ങളെ കുടുംബത്തിലാരും ചേച്ചിമാരെ കെട്ടാറില്ലാ…””,

കുഞ്ഞൂട്ടനും അപ്പുവും കൂടി ക്യാൻ്റീന് മുന്നിലെത്തി. കണ്ണൻ അവിടെ മൊബൈലിലും കുത്തി കട്ടപോസ്റ്റടിച്ച് നിൽക്കുന്നുണ്ട് അനിയെ അവിടെങ്ങും കണ്ടില്ല. അപ്പൂനെ ക്യാൻ്റീനിലേക്ക് പറഞ്ഞു വിട്ട് കുഞ്ഞൂട്ടൻ കണ്ണൻ്റെ അടുത്ത് ചെന്നു.

“”ടാ നീ എന്താ ഇവടെ ഒറ്റക്ക് നിക്കണെ..””,””അവനെവിടെ കണ്ണാ…””,

“”അവൻ ഇപ്പ വെരാന്ന് പറഞ്ഞ് പോയതാ..””,

“”എങ്ങട്ട്…””

“”എച്ചൈ വരെ..””,””അവൻ്റെ പ്രേമഭാജനത്തിനെ കാണാൻ…””,

“”ആരെ സേതൂനെ..””

“”മ്മം…””,

“”അവൻ വരട്ടെ..””,””നീ ബാ ഒരു ലൈമടിക്കാ…””,

കുഞ്ഞൂട്ടനും കണ്ണനും കൂടി ക്യാൻ്റീനിൽ കയറി. അവിടെ ഓർഡർ ചെയ്ത ലൈമുമായി അപ്പു ഇരിക്കുന്നുണ്ട്. കണ്ണൻ വന്നതും ഒരെണ്ണം കൂടി ഓർഡർ ചെയ്തു കൂടെ മൂന്ന് പരിപ്പുവടയും കടിച്ചു. ഫിനാൻസ് എല്ലാം അപ്പു കൊടുക്കുന്നോണ്ട് കുഞ്ഞൂട്ടൻ കൗണ്ടറിലേക്കേ പോയില്ല.

അരമണിക്കൂർ നേരത്തെ ഒലിപ്പിക്കലിന് ശേഷം അനി വന്നു. അപ്പു ഡ്യൂട്ടിയ്ക്കായി പോയിരുന്നു. ശരത്തും പാപ്പിയും കൂടി മൈക്രോ പ്രിൻ്റെടുത്ത സിലബസും കുത്തിക്കയറ്റി എല്ലാം ക്ലാസിലേക്ക് കയറി.

അഞ്ചു ദിവസത്തിൽ അപ്പു കുഞ്ഞുട്ടൻ്റെ ക്ലാസിലേക്കെ വന്നില്ല അവൾക്കവടെ ഡ്യൂട്ടി കൊടുത്തിരുന്നില്ല. ഒരു കണക്കിന് കുഞ്ഞൂട്ടന് അത് ഭാഗ്യായി. അവള് വന്ന് ചെലപ്പൊ പബ്ലിക്കായി ബോഡി തപ്പും. അങ്ങനെ വല്ലതും ഉണ്ടായാൽ മാനവും പോവും കഷ്ടപ്പെട്ട് തിരുകി കയറ്റിയ പ്രിൻ്റും പോവും. ഇടക്കിടക്ക് അപ്പു വരാന്തയിലൂടെ വന്നൊക്കെ നോക്ക്ന്നുണ്ട് കുഞ്ഞൂട്ടൻ എഴുതുന്നുണ്ടോന്ന്.