പന്ത്രണ്ടാം ? തീയാട്ട് [ Sajith ] 1413

കവിളും പൊത്തി അനി ഒന്നും മനസിലാവാതെ കണ്ണനെ നോക്കി. അവൻ അനിയെ വലിച്ച് അവടെന്ന് പുറത്ത് കടന്നു. ബസിലിരുക്കുന്ന ഒന്ന് രണ്ട് യാത്രക്കാരെല്ലാം കലാപരിപാടികൾ കണുന്നുണ്ട്. കാലത്തെയുള്ള ട്രിപ്പായതോണ്ട് സ്കൂൾ കുട്ടികളും കോളേജ് പിള്ളേരുമാണ് കാര്യമായിട്ട് ബസിലുണ്ടായിരുന്നത്. അതിൽ ചിലരൊക്കെ പുറത്തിറങ്ങി സ്കൂളിലേക്ക് പോയി ഭാക്കിയുള്ളവർ പിള്ളരുടെ അടിയും കണ്ട് നിക്കുന്നു.

“”ഇയെന്തിനാ മൈ****””,””ഇന്നെ തല്ലിയത്…””,””ആ നായിൻ്റോനെ ഇതൊന്നും ചെയ്താ പോര..””,

കണ്ണൻ്റെ കൈ വിടുവിച്ച് അനി അടികിട്ടിയ കവിളും തിരുമ്മി പറഞ്ഞു..

“”ഇതിനാണ്… ഇതിനാണ് കിട്ടിയത്…””, “”കാര്യം അറിയാതെ ഇങ്ങനെ ഓരോന്ന് കാട്ടികൂട്ടാൻ നിക്കര്ത്…””,””ഇവരല്ല പൂ**** “”,””ആഹ്  മിനാർകാരാണ്…””,””ഇവരല്ല…””,

“”അയ്യോ..””,

അനി തലക്ക് കൈയ്യും കൊട്ത്ത് നിലത്തിരുന്ന് പോയി. അനിയെ പിടിച്ച് മാറ്റിയത് കണ്ട് ജോൺസനും ലിജിനും അവിടേക് എത്തി. പാപ്പി അപ്പളും അനിയെ ചവിട്ടിയ കിളിയുടെ കൊങ്ങക്ക് പിടിച്ച് ബസിൽ ചേർത്ത് നിർത്തിയിരിക്കയാണ്. ഡ്രൈവറവനെ പിടിച്ച് മാറ്റാൻ അയാളെകൊണ്ട് കഴിയുന്ന പോലെ നോക്കിയെങ്കിലും നടന്നില്ല.

കണ്ണൻ ജോൺസനെ മാറ്റി നിർത്തി കാര്യങ്ങൾ വിശദമായി പറഞ്ഞ് കൊടുത്തു. ആള് മാറിയെന്ന് അറിഞ്ഞപ്പൊ ജോൺസന് മനസിലായി കാര്യങ്ങള് കൈവിട്ട് പോയിട്ടുണ്ടെന്ന്. ജോൺസൻ ഒന്ന് നെറ്റിയുഴിഞ്ഞു. കണ്ണൻ ആലോചിച്ചത് ബസുകാരുടെ അവസ്ഥയേ പറ്റിയാണ്. രണ്ടെണ്ണം അടി കൊണ്ട് ടയറിന് ചോട്ടിൽ കിടക്കുന്നു. ചുറ്റും ഫസ്റ്റിയേർസ് നിൽക്കുന്നതു കാരണം അവർക്കെങ്ങോട്ടും തിരിയാൻ ഒക്കുന്നില്ല. അനങ്ങിയാൽ അടിയാണ്.

കണ്ണൻ ജോൺസനോട് അവരെ വേഗം ഹോസ്പിറ്റലിൽ എത്തിക്കാനായി പറഞ്ഞു. ചെലവ് മുഴുവൻ എറ്റെടുക്കണമെന്നും കേസിനൊന്നും അവര് പോവാതെ നോക്കണമെന്നും കണ്ണൻ ജോൺസനോട് പറഞ്ഞു.

“”ഇനി അവര് സമ്മതിക്കാതെ കേസിന് പോയാലെന്താ ചെയ്യാ…””,

ജോൺസന് സ്വാഭാവികമായി സംശയം തോന്നാം..

“”അതപ്പളല്ലേ…””,””ഞാൻ നോക്കി കോളാം..””,””നീ ഇപ്പ അവരേം കൊണ്ട് വിട്ടോ…””,

കണ്ണൻ എന്തൊക്കെയോ മനസിൽ കണ്ട് ജോൺസനോട് ആശുപത്രിയിലേക്ക് പോവാനായി പറഞ്ഞു.

“”അപ്പൊ നിങ്ങളില്ലേ…””,

“”നീ സന്ദീപിനേം ഉനൈസിനേം കൂട്ടി പോ..””,””ഞങ്ങക്ക് മരുത വരെ ഒന്ന് പോണം…””,

“”അവടെ എന്താ…””,

“” മിനാർക്കാർക്കിട്ട് ചെറിയ ഒരു പണി..””,

അതും പറഞ്ഞ് കണ്ണൻ ജോൺസനെ നോക്കി രണ്ട് കണ്ണും അടച്ച് കാണിച്ചു.

“”പിന്നെ ചാലിയാർ ഹോസ്പിറ്റലിൽ കയറ്റിയാ മതി..””,””ഞാൻ വിളിച്ച് പറയാ..””,

ബസിനടുത്തേക്ക് നടന്ന ജോൺസനെ വിളിച്ച് കണ്ണൻ പറഞ്ഞു. അവനതിന് തലയാട്ടി. സന്ദീപിനെയും ഉനൈസിനെയും സഹായത്തിനായി വിളിച്ച് ഫസ്റ്റിയേർസിനെ ഉന്തി തള്ളി അവിടെ നിന്നും മാറ്റി. ഫാസിൽ കൊണ്ടുവന്ന കാറിലേക്ക് കണ്ടക്ടറേയും കിളിയേയും എടുത്ത് കയറ്റി നേരെ ചാലിയാറിലേക്ക് വിട്ടു. ഡ്രൈവറും മറ്റും ചേർന്ന് ബസ്സ് മരുത സ്റ്റാൻ്റിലേക്കെടുത്തു.