പന്ത്രണ്ടാം ? തീയാട്ട് [ Sajith ] 1413

കൈ ഇരിക്കുന്ന ഭാഗം ശരിക്ക് നോക്കി വച്ച് മൂട്ട് സൂചി കുറച്ച് അകലത്തിൽ പിടിച്ച് ഒറ്റ കുത്ത് കൊടുത്തു. വയറിലിരിക്കുന്ന കൈയ്യിൽ തന്നെ ക്രിത്യമായത് കൊണ്ടു. വെറുതേ കൊണ്ടെന്ന് പറഞ്ഞാൽ പോര സൂചിയുടെ പകുതി ഭാഗവും അയാളുടെ കൈയ്യിൽ കുത്തി കയറി. കുടിയൻ്റെ കണ്ണ് മിഴിച്ച് പോയി. ഒച്ചവെക്കാൻ പറ്റിയ അവസ്ഥയിലായിരുന്നില്ല അയാൾ.

വേഗം തന്നെ കൈ വലിച്ചെടുത്ത് അയാള് ബസിൽ നിന്നിറങ്ങി ഓടി. അത് കണ്ട് സേതു ഒന്ന് ചിരിച്ചു.

പതുക്കെ ബസിലെ തിരക്ക് കുറഞ്ഞു വന്നു. അവൾക്കാശ്വാസം തോന്നി. ഇടയ്ക്ക് മുട്ടിയുരുമ്മി ടിക്കറ്റ് എടുപ്പിക്കാൻ വന്ന കണ്ടക്ടർ ഇപ്പൊ പുറകിലെ സീറ്റിലിരിക്കാണ്. അവൾക്കിറങ്ങേണ്ട സ്റ്റോപ്പ് എത്തി. മുന്നിലെ ഡോറിലൂടെയാണ് അവള് ഇറങ്ങാനായി വിചാരിച്ചത്. നേരത്തെ ക്യാരിയറിൽ നിന്ന് ബാഗെല്ലാം എടുത്ത് കൈയ്യിൽ തൂക്കി പിടിച്ചു. ഇറങ്ങാനായി നിന്നതും പുറകിൽ നിന്ന് കണ്ടക്ടർ ഓടി വന്ന് സേതുവിന് വാതിൽ തുറന്ന് കൊടുത്തു. എന്നാൽ അയാൾ ബസിൽ നിന്നിറങ്ങിയില്ല. സ്റ്റെപ്പിൽ ചാരി നിന്നു.

തലയുടെ മൂന്ന് വശവും ചൊരണ്ടി വെച്ചപോലുള്ള മുടി. നടുക്ക് ഞാറ് നട്ടപോലെ കുറച്ച് മുടി നീച്ചു നിൽക്കുന്നു അതിൽ ഒരുമാതിരി കളറടിച്ചിട്ടുണ്ട്. കഴുത്തിലൊരു ചങ്ങലയും ഒക്കെയായി ഒരു മിതമായ തടിയോട് കൂടിയ ഒരാളാണ് കണ്ടെക്ടർ. അയാൾടെ കാക്കി ഷർട്ടിൻ്റെ രണ്ട് മൂന്ന് ബട്ടൻസ് ഊരികിടക്കുന്നു അതിലൂടെ അകത്തിട്ട ബനിയൻ കാണാം.

സേതൂന് ഇറങ്ങാനൊരു മടി തോന്നി പക്ഷെ ഇറങ്ങാതെ പറ്റില്ലല്ലോ. രണ്ട് കൈയ്യിലും ബാഗ് പിടിച്ച് അയാളെ പരമാവതി തട്ടാതെ അവള് ബസിൽ നിന്നിറങ്ങി. കണ്ടക്ടറെ മറി കടന്ന് പോയ നിമിഷം അയാൾ കൈ ഉയർത്തി സേതുവിൻ്റെ പിൻഭാഗത്തായി ഉരസി. ബസിൽ നിന്ന് അവള് വേഗം ചാടി ഇറങ്ങി. കൈയ്യിലിരുന്ന ബാഗുകൾ നിലത്തിട്ട് കൊണ്ട് സേതു അവൻ്റെ കരണം നോക്കി കൈ വീശി.

“”എന്താടാ നായിൻ്റെ മോനേ ചെയ്തെ…””,

അവളയാളെ നോക്കി ചീറി. പക്ഷെ അടി കൊള്ളുന്നതിന് മുൻപ് തന്നെ അവൻ അത് തടഞ്ഞു.

“”നെഗളിക്കെല്ലടി…””,””നേരത്തെ അയാള് ചെയ്തപ്പൊ സുഗിച്ച് നിന്നല്ലോ നീയ്..””,””നമ്മള് തോട്ടാലെന്താ പുളിക്കോ…””,””ആഹ് കള്ള്കുടിയനേ കാട്ടിലും ഉശിരിണ്ടടീ എനിക്ക്..””,

സേതൂൻ്റെ കൈയ്യിലയാൾ മുറുക്കി പിടിച്ചു. ഇളം പിങ്ക് നിറം ആയിരുന്നു അവളുടെ കൈകൾക്ക് മുറുക്കി പിടിച്ചിടത്ത് ഒരു ചുവന്ന പാട് വന്നു.

“”നിൻ്റെ ഉശിര് നിൻ്റെ വീട്ടി പോയി കാണിച്ചാമതിയെടാ…””,””അവടെ നിൻ്റെ തള്ളേം പെങ്ങളൊക്കെ ഇല്ലേ…””,

“”എന്ത് പറഞ്ഞെടീ…””,

കണ്ടക്ടർ പയ്യൻ അവൾടെ കൈയ്യിൽ നിന്ന് വിട്ട് പുറകിലേക്ക് ഉന്തി. നെഞ്ചിലാണ് പിടിച്ച് തള്ളിയത് അതിലും അവനൊരു സുഗം കണ്ടെത്തി. തള്ളലിൽ സേതു നിലതെറ്റി മണ്ണിലേക്ക് വീണു. അവൾടെ കണ്ണുകൾ നിറഞ്ഞിരുന്നു. എന്നാലും കരഞ്ഞില്ല അവനെ രണ്ട് പൊട്ടിക്കാതെ അവള് കരയില്ലെന്ന് ഉറപ്പിച്ചു.