പതിനാലാം 👹 തീയാട്ട് {Sajith} 1462

“”അവനോട് നമ്മക്കെല്ലാ സത്യവും പറഞ്ഞുകൂടെ മാമ…””,””അത് മനസിലാക്കാനുള്ള പ്രായമവനായില്ലേ…””,

 

“”പ്രായത്തിൻ്റെ അല്ല കനകം…””,””കൃഷ്ണ കണിയാര് പറഞ്ഞത് പോലെ എല്ലാം അവൻ സ്വയം മനസിലാക്കണ്ട സമയം വരും…””,””അന്ന് മാത്രമേ അറിയാൻ പാടൊള്ളു…””,””അതിന് മുൻപ് ഒരുപാട് ദുരനുഭവങ്ങൾ അവന് വരാനിരിക്കുന്നുണ്ട്…””,””ജാതക പ്രകാരം അത് തുടങ്ങി കഴിഞ്ഞു അതാ ഞാൻ അവനെ ഇവിടേക്ക് കൊണ്ടുവന്നത്…””,””ഇവിടെയാവുമ്പൊ നമ്മടെയൊക്കെ ഒരു ശ്രദ്ധയുണ്ടാവല്ലോ…””,

 

“”മ്മം…””,””എല്ലാം നല്ല രീതിക്കെത്താൻ പുന്നക്കലെ ദേവിക്ക് കുറച്ച് വഴിപാടുകള് നടത്തണം…””,””ഗുരുവായൂർക്ക് പോവണം…””,””ഏട്ടനെ കാണണം…””,

 

കനകയുടെ ഏട്ടനൊരു ദേശാടക സന്യാസി ആയി ജീവിച്ചിരുന്നു…, ഒരുകാലത്ത്. ഇപ്പൊ അതിനൊന്നും വയ്യാണ്ടായി ഗുരുവായൂരുള്ള തറവാട്ടിൽ ഓരോ ചിട്ടകളുമായി കഴിഞ്ഞ് പോവുന്നു. എന്തങ്കിലും തരത്തിലുള്ള മന ക്ലേശങ്ങൾ ഉണ്ടങ്കിൽ കനക ഏട്ടനെ കാണാനായി പോവും. തറവാട്ടിൽ കയറി ശേഷം ക്ഷേത്ര ദർശനവും കഴിഞ്ഞായിരിക്കും മടക്കം.

 

ഓരോ കണക്ക് കൂട്ടലുകളുമായി ഗോവിന്ദൻ പതുക്കെ ഉറങ്ങി പോയി…, കനകവും.

 

******************(★)******************

 

ഇരുപത്തഞ്ച് വർഷങ്ങൾക്ക് മുൻപ് നീലിമ്പപുരത്തെ കാട്ടിലെ മലവെള്ളപ്പാച്ചിലിൽ ഒഴുകി എത്തിയതാണ് അനന്തകൃഷ്ണൻ എന്ന പുന്നക്കലെ അനന്തനാന. 

 

അവനെ നെടുംകയം ഫോറസ്റ്റ് ഡിവിഷൻ ഏറ്റെടുത്ത് ലേലം ചെയ്തു. അഞ്ച് വയസിനോടടുത്ത് മാത്രമേ ലേലം ചെയ്യുന്ന സമയത്ത് അനന്തന് പ്രായം ഉണ്ടായിരുന്നുള്ളു. ദേവനും രണ്ട് ചട്ടക്കാരും കൂടിയാണ് പുന്നക്കൽ നിന്ന് പോയി അവനെ ലേലത്തിൽ പിടിച്ചത്. 

 

ദേവന് ഒരുപാട് ഇഷ്ടമായിരുന്നു അനന്തനെ. മില്ലിലെ തടിപ്പണിക്കാണ് ആദ്യമായി അനന്തനെ ചുമതലപ്പെടുത്തിയത് അതും ദേവൻ്റെ സമ്മതമില്ലാണ്ടെ. അയാൾ കുറിച്ച് വൈകിയാണ് വിവരമറിഞ്ഞത്. ക്ഷേത്രത്തിലെ തിടമ്പേറ്റാൻ എന്ന പേരിലാണ് ദേവനേ കൊണ്ട് അനന്തനെ ലേലത്തിലെടുപ്പിച്ചത് തന്നെ. കൂപ്പിലെയും മില്ലിലേയും പണിക്ക് കൂടി ആണെന്ന് അറിഞ്ഞിരുന്നെങ്കിൽ ദേവൻ ഒരിക്കലും ആനയെ വാങ്ങാൻ സമ്മതിക്കില്ലായിരുന്നു.

 

അനന്തകൃഷ്ണനെ മില്ലിൽ കൊണ്ട് പോയെന്ന വിവരമറിഞ്ഞതും ദേവൻ അച്ഛനായ ബാലകൃഷ്ണനോട് ഒരുപാട് ദേഷ്യപ്പെട്ടു. അന്ന് അനന്തൻ്റെ ചട്ടക്കരെ നല്ല പോലെ വഴക്ക് പറഞ്ഞ് ദേവൻ പറഞ്ഞ് വിട്ടു. പിന്നീട്‌ കുറിച്ച് കാലം ദേവനാണ് ആനയുടെ കാര്യങ്ങളെല്ലാം നോക്കി നടത്തിയിരുന്നത്. ദിവസേന ക്ഷേത്രത്തിലേക്ക് കൊണ്ട് പോയി ദേവിയേയും ദേവനേയും തൊഴുവിച്ച് തിരികെ കൊണ്ട്പോരും.

 

തറവാട്ടിൽ ബാലകൃഷ്ണൻ്റെ ഭാര്യ അമ്പ അനന്തൻ്റെ ഇഷ്ടത്തിന് അവിലും തേങ്ങയും നൽകും. ദേവനെ പോലെ തന്നെ അവർക്കും അനന്തനെ ഒരുപാട് ഇഷ്ടമായിരുന്നു.

 

വിശേഷ ദിവസങ്ങളിൽ പറയെടുക്കുന്നതും തിടമ്പേറ്റുന്നതും മാത്രമായി അനന്തൻ്റെ ജോലി. ദേവൻ അത് മാത്രമായി വെട്ടിച്ചുരുക്കി എന്ന് വേണം പറയാൻ. അനന്തകൃഷ്ണനും അതായിരുന്നു ഇഷ്ടം. എന്നും ക്ഷേത്ര ദർശനം കഴിഞ്ഞ് ദേവിക്കും ദേവനും നേദിച്ചതിൻ്റെ ഭാക്കി വരുന്ന വെണ്ണയും നെയ്യും ഉരുളി നിറച്ച് കഴിക്കാൻ കിട്ടുമായിരുന്നതാണ് കാരണം. 

 

അങ്ങിനെ ക്ഷേത്രത്തിലെ സന്ദർശനവും വൈജയന്തി പുഴയിലെ നീരാട്ടും പുന്നക്കലെ ദേവിയുടെ പൂരവും എല്ലാം ആയി ദേവനും അനന്തനും കൂടി തകർക്കുന്ന സമയത്ത് ചട്ടക്കാരൻ്റെ ലൈസൻസിനെ ചൊല്ലി ചെറിയ പ്രശ്നങ്ങൾ ഉയർന്നു. പരാതി കൊടുത്തത് കേശവനാണെന്ന് പിന്നീട് ദേവൻ മനസിലാക്കി. അതിനെ ചൊല്ലി പിന്നീട് തറവാട്ടിൽ പ്രശ്നങ്ങൾ ഉണ്ടായിരുന്നു. 

 

കുറിച്ച് ദിവസങ്ങൾക്ക് ശേഷം ദേവൻ തന്നെ ഒരു ചട്ടക്കാരനെ കണ്ടെത്തി കൊണ്ടു വന്നു വേലായുധൻ. പിന്നീട് കുറിച്ച് കാലം രണ്ടുപേരും കൂടി ആനയെ കൊണ്ടുനടന്നു. അതിനൊരവസാനം വരുന്നത് ജാനകിയെ വിളിച്ച് ഇറക്കി കൊണ്ടുവരുമ്പഴാണ്. ദേവൻ പുന്നക്കൽ നിന്ന് പുറത്താവുന്നു ശേഷം ജാനകിയും ദേവനും തങ്ങളുടെ ജീവിതം ആരംഭിക്കുന്നു…, അജുവും കുഞ്ഞൂട്ടനും ജനിക്കുന്നു. 

 

പുന്നക്കൽ നിന്ന് ഇറങ്ങിയതിന് ശേഷവും അവസരം കിട്ടുമ്പോഴൊക്കെ ദേവൻ അനന്തനെ കാണാൻ പോവുമായിരുന്നു.  ദേവൻ്റെ മരണം വരെ അത് തുടർന്നു. അനന്തകൃഷ്ണന് അവൻ്റെ ദേവനെ അത്ര പെട്ടെന്നൊന്നും മറക്കാൻ സാധിക്കില്ല. അതിന് സാധ്യതയുമില്ല. കുഞ്ഞൂട്ടൻ ഉണ്ടായതിന് ശേഷം അനന്തകൃഷ്ണനോടുള്ള പ്രിയ്യത്തിലാണ് അനന്ദദേവ് എന്ന് പേര് വെച്ചതെന്ന് പോലും ദേവൻ പറയുമായിരുന്നു. 

 

ദേവൻ്റെ മരണ ശേഷം അനന്തകൃഷ്ണന് അത്ര നല്ല കാലം ആയിരുന്നില്ല. ബാലകൃഷ്ണൻ ആനയെ കൂപ്പിലേക്ക് മാറ്റി. കുറച്ച് കാലം അവനെ കൊണ്ട് പറ്റുന്നത് പോലെ പണി ചെയ്തു. ബാലകൃഷ്ണൻ്റെ മരണ ശേഷം കേശവൻ തൻ്റെ മില്ലിലേക്ക് ആനയെ ഏറ്റെടുത്തു. ഓണർഷിപ്പ് കൈമാറിയിട്ടുണ്ടായിരുന്നില്ല. കേശവൻ അനന്തനെ വൈജയന്തി പുരത്ത് നിന്നും കൊണ്ട് പോയതോടെ അവനെ കുറിച്ചുള്ള വിവരങ്ങളും നഷ്ടമായി. എന്നാലും വർഷാ വർഷം തിടമ്പേറ്റാൻ അനന്തൻ വരും…

 

അനന്തനാനയാണ് കുഞ്ഞൂട്ടൻ്റെ നേരെ ഇടഞ്ഞ് വന്നതെന്നാണ് ഗോവിന്ദൻ കനകയോട് പറഞ്ഞത്.