************************************

അപ്രതീക്ഷിതമായ തന്റെ ഏട്ടനിൽ നിന്നുള്ള ഫോൺ കാൾ അവനിൽ ഒരു നടുക്കം സൃഷ്ടിച്ചിരുന്നു… ഏട്ടന്റെ ശബ്ദത്തിൽ നിന്നുതന്നെ പ്രതീക്ഷിക്കാത്ത എന്തോ ഒന്ന് സംഭവിചുവെന്നത് തിരിച്ചറിഞ്ഞിരുന്നു… പിന്നീട് ആ വാക്കുകൾ തന്നിൽ ജനിപ്പിച്ച അസ്വസ്ഥത എന്തുകൊണ്ടാണെന്ന് മാത്രം മനസ്സിലാവുന്നില്ലായിരുന്നു അവന്… കുറെ കാലങ്ങൾക്ക് ശേഷം ഏട്ടൻ തന്റെ ശത്രുവിനെ കണ്ടുപിടിച്ചു… പക്ഷെ അതെന്തു കൊണ്ട് തന്നിൽ ഒരു ഭീതി ജനിപ്പിക്കുന്നുവെന്ന് അവന് മനസ്സിലായില്ല… എന്നിരുന്നാലും അവൻ പറഞ്ഞുകൊണ്ടിരുന്നു… ജയപ്രകാശിന്റെ അനിയൻ രാഹുൽപ്രകാശ് ആരെയും ഭയക്കേണ്ടതില്ലെന്ന്..

പക്ഷെ അന്നത്തെ സംഭവം… വളരെ വേഗത്തിൽ ചടുലതയോടെയുള്ള ചലനങ്ങളോടെ ആരാണെന്ന യാതൊരു ക്ലൂവും തരാതെയുള്ള ആക്രമണം വീണ്ടും തന്നെ കുഴപ്പത്തിലാക്കുമെന്ന് അവന്റെ മനസ്സ് പറഞ്ഞുകൊണ്ടിരുന്നു… വിവേക്… അതാണവന്റെ പേര്… നല്ല കേട്ടുപരിചയമുള്ള പേരാണത്… വിവേക് ശങ്കർ… ബട്ട്… അങ്ങോട്ട് വ്യക്തമാവുന്നില്ല..

എന്തൊക്കെയോ മനസ്സിലുറപ്പിച്ചുകൊണ്ട് അവൻ തന്റെ ഫോണിൽ നിന്നും മറ്റൊരു നമ്പറിലേക്ക് ഡയൽ ചെയ്തു….

*************************************

അനിയനെ വിളിച്ചു കഴിഞ്ഞ ജെപി യുടെ ചുണ്ടുകളിൽ ക്രൂരമായ ഒരു ചിരി വിടർന്നു…

ജെപി യുടെ അനിയനെ തൊട്ടവനെ എങ്ങനെ ട്രീറ്റ്‌ ചെയ്യണമെന്ന് നല്ല പോലെ അറിയാമെന്ന പോലെ…

അപ്പോഴേക്കും കൂട്ടത്തിലുള്ള ഒരാൾ ജെപിയെ കാണാനായി എത്തിയിട്ടുണ്ടായിരുന്നു…