നിർഭയം 5 [AK] 367

ഇനി അവന്മാരോടെന്തു സമാധാനം പറയുമെന്നാലോചിച്ചു അവന് വെപ്രാളം പിടിക്കുന്നുണ്ടായിരുന്നു… ഷെട്ടിമാർ… അത്രക്കും പിടിപാടുള്ളവർ… വീരേന്ദ്ര ഷെട്ടിയും മഹേന്ദ്ര ഷെട്ടിയും… കണ്ണിൽച്ചോരയില്ലാത്ത കാട്ടാളന്മാർ… മുംബൈ അധോലോകത്തും പുറത്തുമായി മാംസം വിൽക്കുന്ന പിമ്പുകളെന്ന് അവരെ വേണമെങ്കിൽ വിശേഷിപ്പിക്കാം… വീരേന്ദ്ര ഷെട്ടിയുടെ സകല നടത്തിപ്പിന്റെയും കരുത്ത് മഹേന്ദ്ര ഷെട്ടി ആയിരുന്നു… പല വേശ്യതെരുവുകളിലേക്കും പെൺകുട്ടികളെ എത്തിക്കുന്നവർ… ഇന്ത്യയിലെ തന്നെ പല സിറ്റികളിൽ നിന്നും വുമൺ ട്രാഫിക്കിങ്ങിന്റെ നടത്തിപ്പുകാർ…. അവരെ പിണക്കാനാകില്ല…എങ്ങനെയെങ്കിലും കോംപ്രമൈസ് ആക്കിയേ പറ്റൂ… വിദേശികളുമായി ഡീൽ ഉറപ്പിച്ചവളാണ് മിസ്സ് ആയിപ്പോയത്.. അവളാണെങ്കിൽ തന്നെ നേരിട്ട് കണ്ടതുമാണ്… പിന്നെ ശ്രീജിത്ത്‌… അവനെയും ഒതുക്കണം…ഒരു ഈച്ച പോലുമറിയാതെ… പക്ഷെ അതിനു മുന്നേ പല കാര്യങ്ങളും ചെയ്യേണ്ടിയിരിക്കുന്നു… അവൾ… മഞ്ജു ജേക്കബ് ഐ പി എസ്… ലൈഫിൽ ഒരിക്കലും മറക്കാൻ സാധിക്കാൻ പറ്റാത്ത ഒരു സമ്മാനം അവൾക്ക് കൊടുക്കണം… ഒരിക്കലും മറക്കാൻ പറ്റാത്തത്….

ജെപി ഗ്രൂപ്പിന്റെ അമരക്കാരൻ തന്റെ അടുത്ത നീക്കം തുടങ്ങാനുള്ള മുന്നൊരുക്കത്തിലായിരുന്നു…

****************************************

ബോധം വന്നെങ്കിലും അവളുടെ കണ്ണുകൾ നിർത്താതെ പെയ്യുന്നുണ്ടായിരുന്നു… ചിലപ്പോൾ തനിക്കാരുമില്ലെന്ന തോന്നലാവാം കാരണം… ജീവിതം വഴിമുട്ടിയ ഒരു പെൺകുട്ടി… സംരക്ഷിക്കേണ്ട ഭർത്താവ് തന്നെ വിറ്റുകൈപ്പറ്റിയ പണം കൊണ്ട് ഇപ്പോൾ ഉല്ലസിക്കുന്നുണ്ടാവാം…

മഞ്ജു റൂമിലേക്ക് കയറി വന്നപ്പോൾ കരഞ്ഞുകൊണ്ടിരിക്കുന്ന ഗ്രീഷ്മയെ ആയിരുന്നു കണ്ടത്…