നിർഭയം 5 [AK] 367

“ഇല്ലേ… ഇല്ലെടാ.. നേരെ നോക്കെടാ…നന്ദന്റെ വീട്ടിലേക്ക് വിളിച്ചു ചോദിച്ചത് കൊണ്ട് എങ്ങോട്ടാ പോയെന്ന് മനസ്സിലായി… അല്ലെങ്കിൽ…. വീട്ടിലുള്ളോരേ കുറിച്ചാലോചിക്കേണ്ട നീ…”

“ന്റെ പൊന്നമ്മേ… നാളെ കാലത്ത് പോണം… ഞാൻ പോയി കിടക്കട്ടെ…ഇനി ണ്ടാവില്ല..”

അമ്മയോട് പറഞ്ഞ് മുറിയിലേക്ക് പോയപ്പോൾ തന്നെ അറിയാമായിരുന്നു പാവത്തിന് നല്ല പോലെ വിഷമമായെന്ന്.. ഇനി കുറച്ചു നാൾ കാണാനാവില്ലെന്നതും ആ മനസ്സിനെ സങ്കടപ്പെടുത്തുന്നുണ്ടാവും.. അച്ഛനിതെല്ലാം കേട്ട് അകത്തിരിക്കുന്നുണ്ടാവുമെന്ന് എനിക്കറിയാമായിരുന്നു.. കിടന്നപ്പോൾ തന്നെ ക്ഷീണം കൊണ്ട് ഉറങ്ങിപ്പോയി… കാലത്ത് തന്നെ എണീറ്റു തയ്യാറാവുമ്പോൾ പത്രത്തിൽ വന്ന വൻ എൻകൗണ്ടർ വാർത്തയും മഞ്ജു ഐ പി എസിന്റെ വീരസാഹസികതയും കണ്ടു… മഞ്ജു പൊളിയാണ്.. അല്ല പിന്നെ… രക്ഷപ്പെട്ട പെൺകുട്ടികളുടെയെല്ലാം ഉത്തരവാദിത്വം അവൾ സ്വയം ഏറ്റെടുത്തിരുന്നു… പോലീസ് സെർവിസിലെ ചുണക്കുട്ടി…അവളോടുള്ള ബഹുമാനം കൂടിവരികയാണ്…

അങ്ങനെ പോലീസ് സെർവിസിലേക്കുള്ള തന്റെ കാൽവെപ്പ് ഇന്ന് തുടങ്ങുകയായി… ട്രെയിനിങ്….

******************************************

ഇതേ സമയം സ്വന്തം കണക്കുകൂട്ടലെല്ലാം പിഴച്ചു ഭ്രാന്ത് പിടിച്ച അവസ്ഥയിലായിരുന്നു ജെപി എന്ന ജയപ്രകാശ്… അല്ല ഭായ്… തലേന്ന് തന്നെ അപകടം മണത്തു തന്റെ നേരെ വരാൻ സാധ്യതയുള്ള കുരുക്കുകളെല്ലാം അഴിച്ചെടുക്കുകയായിരുന്നു അവൻ… ഷെട്ടിയുമായുള്ള ഡീൽ ആയതുകൊണ്ടായിരുന്നു താനിതിൽ നേരിട്ട് ഇടപെട്ടത്..