നിഴലായ് അരികെ -9 [ചെമ്പരത്തി] 334

 

“നന്ദാ…..പ്ലീസ്….  രണ്ടു മിനുട്ട്… ഞാൻ ദാ എത്തി….”

എന്നും പറഞ്ഞു നന്ദന്റെ മറുപടിക്ക് കാത്തുനിൽക്കാതെ അവൾ തിരിഞ്ഞോടി….

 

 

വീട്ടിലേക്കു ഓടിക്കയറിയ ആര്യയ്ക്ക് പിന്നാലെ

 

“എന്താടീ ചേച്ചീ പ്രശ്നം?  ചേട്ടായി എന്താ ഈ വേഷത്തിൽ?? ഇത് അന്ന് ഒഴിവാക്കിയതല്ലേ??…… ”

എന്നും ചോദിച്ചു റോബിനും ചെന്നു…..

 

“എനിക്കറിയില്ലെടാ…… ഇനി എന്താണാവോ ഉണ്ടാവാൻ പോകുന്നത്…. നീ പോയിട്ട് ചോദിച്ചു നോക്ക്….. എനിക്ക് മേല് വിറച്ചിട്ടു വയ്യ… ഞാൻ ഒന്നു ഡ്രസ്സ്‌ ചേഞ്ച്‌ ചെയ്യട്ടെ…..”

എന്നും പറഞ്ഞവൾ റൂമിൽ കയറി….

 

റോബിൻ വേഗം തിരിച്ചു നന്ദന്റെ അടുത്തേക്ക് നടന്നു….

“എന്താ ചേട്ടായീ പ്രശ്നം????…… എന്തിനാ ഇതൊക്കെ  വീണ്ടും  ഇങ്ങനെ…………???? ”

 

“എങ്ങനെ…???? കുറേക്കാലം ആയില്ലേ ഇതൊക്കെ ഒന്നു ഉപയോഗിച്ചിട്ട്….. വീണ്ടും കണ്ടപ്പോൾ ഒരു ആഗ്രഹം…. അങ്ങനെ എടുത്തിട്ടതാ  വീണ്ടും…. ”

 

ഒരു ചെറു പുഞ്ചിരിയോടെ, ഇടിവള ഒന്നുകൂടി മുകളിലേക്കു തിരുകിക്കയറ്റിക്കൊണ്ട്  നന്ദൻ മറുപടി പറഞ്ഞു….

 

“ആയിക്കോട്ടെ…..ഇപ്പോൾ എങ്ങോട്ടാ പോകുന്നെന്നു പറ…..”

 

അപ്പോഴേക്കും ഒരു ജീൻസും കുർത്തയും വലിച്ചുകയറ്റി ആര്യ ഓടിയെത്തി പിന്നിൽ കയറി…

 

“ദൂരെ ഒന്നുമല്ലെടാ കോളേജിൽ വരെ…..ഞങ്ങളുടെ  ഒരു ഫ്രണ്ട് വരുന്നുണ്ട്… ആളെ ഒന്നു കാണണം…… അധികം താമസിക്കില്ല… ”

 

“മ്മ്മ്…. ആയിക്കോട്ടെ…. ”

സംശയഭാവത്തിൽ ഒന്നു തലയാട്ടിയിട്ടു റോബിൻ പറഞ്ഞു…

 

“ഏതു ഫ്രണ്ട് ആണ്…..??? ”

ആര്യ നന്ദനോട് ചോദിച്ചുവെങ്കിലും മറുപടി പറയാതെ അവൻ മുന്നോട്ടെടുത്തു…