നിഴലായ് അരികെ -9 [ചെമ്പരത്തി] 334

 

“പോകാം അമ്മൂ…. ?”

 

“മ്മ്മ്മ്….. പോകാം.. ”

അവൾ തലയാട്ടി..

തിരിച്ചു വണ്ടിക്കരികിലേക്കു നടക്കുമ്പോൾ നന്ദന്റെ ഫോൺ റിങ് ചെയ്തു…. നോക്കുമ്പോൾ റോബിൻ ആണ്..

 

അവൻ ഫോൺ ആര്യയുടെ നേർക്കു നീട്ടി….

അറ്റൻഡ് ചെയ്തത് ആര്യ ആണെന്ന് അറിഞ്ഞ അവൻ പറഞ്ഞു…

 

“ചേച്ചീ…. നാളെ ഞാൻ വരുന്നുണ്ട്… ചേട്ടായിടെ ഒരു ഹെല്പ് വേണമായിരുന്നു എനിക്ക്…. ”

 

“എടാ നീ എന്തായാലും വാ….പിന്നെ നന്ദൻ ഇത്തിരി ടെൻഷനിൽ ആണ്…. ഞാൻ പറഞ്ഞോളാം…. ”

 

 

“മ്മ്മ്…. ശരി… ”

റോബിൻ ഫോൺ കട്ട്‌ ചെയ്തു.

 

 

 

 

*****

 

 

 

പിറ്റേന്ന് ഉച്ചയോടെ ബോബിയും വീട്ടുകാരും കൂടി ആര്യയുടെ വീട്ടിൽ എത്തി….

 

നന്ദനും,  എല്ലാവരോടും കൂടെ കൂടി സംസാരിച്ചു കൊണ്ടിരുന്നു…

 

“ഞങ്ങൾക്ക് കുട്ടിയെ ഇഷ്ടപ്പെട്ടു….. നിങ്ങള്ക്ക് താല്പര്യം ആണെങ്കിൽ അടുത്ത ആഴ്ച  അങ്ങോട്ട് വരണം….അങ്ങനെ ഉണ്ടെങ്കിൽ ബോബിയെ അറിയിച്ചാൽ മതിട്ടോ…. ”

പോകാൻ നേരം ബോബിയുടെ പപ്പാ ഫിലിപ്പിനോട് പറഞ്ഞു…

 

“ഓ…. അതിനെന്താ അങ്ങനെ ആവാം…….. ബോബി എങ്ങോട്ടാ വീട്ടിൽ പോകുന്നുണ്ടോ??  ”

ഫിലിപ്പ്, ബോബിയോട് ചോദിച്ചു..

 

“ഇല്ല… ഞാൻ റൂമിലേക്ക് ആണ്.. നാളെ ക്ലാസ്സ്‌ ഉണ്ടല്ലോ…. പോയിട്ട്  തിരിച്ചു  വരവ് ബുദ്ധിമുട്ട് ആണ്….”

ബോബി മറുപടി പറഞ്ഞു.

 

ബോബിയും വീട്ടുകാരും കാറിൽ കയറി പുറത്തേക്കിറങ്ങി…

അവരുടെ വണ്ടി പുറത്തേക്കിറങ്ങിയപ്പോൾ തന്നെ റോബിന്റെ ബൈക്ക് മുറ്റത്തേക്ക് കയറി…

 

“ആരാ ആ പോയത്… പപ്പാ..? ”

 

ഹെൽമെറ്റ്‌ ഊരി കയ്യിലെടുത്തു കൊണ്ട് അവൻ ഫിലിപ്പിനോട് ചോദിച്ചു..