നിഴലായ് അരികെ -9 [ചെമ്പരത്തി] 334

അവന്റെ വലതുകയ്യിൽ പിടിച്ചുയർത്തിയ നന്ദൻ, ചൂണ്ടു വിരൽ പിന്നോട്ട് മടക്കി….. അസ്ഥി പൊട്ടിയ ശബ്ദത്തോടൊപ്പം ബോബിയുടെ അലർച്ചയും അവിടെ മുഴങ്ങി….. നന്ദൻ, ബോബിയുടെ  കൈ ബുള്ളറ്റിന്റെ സൈലെൻസറിലേക്കു ചേർത്ത് വച്ചു….

ബോബി അലറിക്കൊണ്ട് കൈ വലിച്ചു കുടഞ്ഞു…

ആ സമയത്തു ഒരു സ്‌പോർട്സ് ബൈക്ക് അവർക്കരികിലേക്കു പൊടിപറത്തിക്കൊണ്ട് ഇരമ്പിയെത്തി…..

ബോബിയുടെ മുഖത്തു ഒരു ആശ്വാസഭാവം തെളിഞ്ഞു….. എന്നാൽ ബൈക്കിൽ നിന്നിറങ്ങി ഹെൽമറ്റ് ഊരിയ റോബിനെ കണ്ടു അവന്റെ ശരീരം  ഭയത്താൽ വിറച്ചു….

ഒരു വിധത്തിൽ ചാടിയെണീറ്റ ബോബി മുന്നോട്ടോടി….

എന്നാൽ അധികം മുന്നോട്ടോടുന്നതിനു മുൻപേ റോബിന്റെ കയ്യിലിരുന്ന ഹെൽമറ്റ് ബോബിയുടെ പുറത്തു പതിച്ച ആഘാതത്തിൽ അവൻ മുഖമടിച്ചു ചരൽ നിറഞ്ഞ ഗ്രൗണ്ടിലേക്ക് വീണു….

“എന്തുവാടീ ചേച്ചീ പ്രശ്നം????….. “റോബിൻ പതിയെ  ആര്യയോട് ചോദിച്ചു….

“ഓഹോ ചെയ്‌ത്ത് കഴിഞ്ഞിട്ടാണോ ചോദ്യം………… ഇയാൾ പെൺകുട്ടികളോട് മോശമായി പെരുമാറി…. ഡീറ്റെയിൽസ് പിന്നെ പറയാം ”

നന്ദൻ  അടുത്തേക്ക് വരുന്നത് കണ്ട ബോബി പറഞ്ഞു..

“പ്ലീസ്….. എന്നെ ഒന്നും ചെയ്യരുത്… ഞാൻ ഇനി ആവർത്തിക്കില്ല…… ”

“താനോ…….. ????താൻ ഇവിടെ എത്തിയോ….??? ഞാൻ അന്വേഷിക്കാത്ത സ്ഥലം ഇല്ല… പിന്നെ……… താൻ പണ്ടും ഇങ്ങനെ തന്നെ അല്ലെ പറഞ്ഞത്…..??? പുറകിൽ എത്തിയ റോബിൻ കലിയോടെ ചോദിച്ചു….

“ങ്‌ഹേ..!!……ഇയാളെ നിനക്കറിയാമോ……?? ”

ആര്യയുടെ ചോദ്യത്തിൽ ആശ്ചര്യം കലർന്നിരുന്നു….