നിഴലായ് അരികെ – 18 [ചെമ്പരത്തി] 779

വലതു കൈ, വലതു ഷോൾഡറിൽ ഇട്ട ബാഗിന്റെ വള്ളിയിൽ മുറുകെ പിടിച്ചു ഇടതു കൈ കൊണ്ട് ആര്യയുടെ പുറത്തു കൂടി ചുറ്റിപ്പിടിച്ചു തന്നോട് ചേർത്തു….
ഒരു നിമിഷം കഴിഞ്ഞിട്ടവൾ, അവനെ ചുറ്റിപ്പിടിച്ചിരുന്ന ഇടതു കൈ മുന്നോട്ടെടുത്തു, ഇടയ്ക്കിടയ്ക്ക് തന്റെ കണ്ണുനീർത്തുള്ളികൾ വീണു മറയുന്ന നന്ദന്റെ നെഞ്ചിലെ രോമങ്ങളിൽ, വേദനിപ്പിക്കാതെ മൃദുവായി പിടി മുറുക്കി….

അൽപനേരം കഴിഞ്ഞപ്പോൾ കാൽ വേദനിച്ച നന്ദൻ അവളുടെ പിടി വിടുവിക്കാൻ നോക്കിയെങ്കിലും  കാത്തിരുന്ന് കിട്ടിയ സൗഭാഗ്യം നഷ്ടപ്പെടുത്താൻ കഴിയില്ല എന്നവണ്ണം
ഒന്ന് കുറുകിക്കൊണ്ടവൾ  അവന്റെ നെഞ്ചിലേക്ക് തന്നെ പറ്റിച്ചേർന്നു…..
അവളിൽ നിറഞ്ഞ നിശബ്ദതയുടെ കാരണം തേടി നന്ദന്റെ മനസ്സ് അലയുമ്പോൾ,
ഇത്രയും നാൾ ഒരു കൈദൂരമകലത്തിൽ വാചാലമായിരുന്ന ആര്യയുടെ ഹൃദയം ഇന്ന് അവനിൽ ചേർന്നൊട്ടി പരിഭവങ്ങൾ പറഞ്ഞു തീർത്തുകൊണ്ടിരുന്നു…..

കാലിന്റെ വേദന അസ്സഹനീയമായതോടെ നന്ദനവളെ ഇത്തിരി ബലം പിടിച്ചു അടർത്തിമാറ്റി അവളുടെ കയ്യിൽ പിടിച്ചു അകത്തേക്കു നടന്നു…..
അത്രനേരം മൂടിക്കെട്ടി നിന്ന മാനം പതിയെ കരയാൻ തുടങ്ങിയിരുന്നു പുറത്തു….
പരിഭവങ്ങൾ പറഞ്ഞു തീർക്കാൻ സമ്മതിക്കാത്തതിനാൽ ആകണം നന്ദനെ നോക്കി ചുണ്ട് കൂർപ്പിച്ചയവളുടെ മുഖത്ത് ഒട്ടിച്ചുവച്ചൊരു ദേഷ്യം അവൻ കണ്ടു…..

അവളുടെ കൈ പിടിച്ചു വലിച്ചവൻ അകത്തേക്കു നടന്നു…. പിറകെ ഒരു കുഞ്ഞു ബലം പിടുത്തത്തോടെ ആര്യയും…..
ആഡംബരം വിളിച്ചോതുന്ന ഹാളിൽ