നിഴലായ് അരികെ – 18 [ചെമ്പരത്തി] 778

അപ്പോഴേക്കും അവൾ വിതുമ്പിപ്പൊട്ടിയിരുന്നു…….

“സാരമില്ല……….നീ ഇവിടെ വന്നിരി….”
തന്റെ അടുത്തു നിന്നും ഇത്തിരി മാറി അവൻ കൈ കാണിച്ചു……

“വേണ്ടാ……. ഞാൻ വരൂലാ…… ന്നെ തല്ലാൻ അല്ലെ……”
പറഞ്ഞു കൊണ്ടവൾ കണ്ണ് തുടച്ചു നന്ദനെ നോക്കി….

അപ്പോഴേക്കും റൂമിലെ കതകിൽ മുട്ട് കേട്ടു…..
“നന്ദൂട്ടി…..”
എന്നൊരു നീട്ടിയ വിളിയും
“വാതിൽ തുറക്ക്….”
എന്ന ഫിലിപ്പിന്റെ ശബ്ദവും ഒപ്പമെത്തി……

“അയ്യോ അച്ഛനും പപ്പയും ഇങ്ങോട്ട് വന്നു………”
അവൾ വായ് പൊത്തിക്കൊണ്ട് നന്ദനോട് പതിയെ പറഞ്ഞു……
“ഞാൻ തുറക്കാം……..”
ആര്യയോട് പറഞ്ഞു കൊണ്ട് നന്ദൻ കിടക്കയിൽ നിന്നു എഴുന്നേൽക്കാൻ ആഞ്ഞു…
“വേണ്ടാ……”
എന്ന് പറഞ്ഞവൾ നിഷേധാർഥത്തിൽ തലയാട്ടി…..
“വേണ്ടാ….. വിളിക്കണ്ടാ തുറക്കില്ല…. ഞാൻ പറഞ്ഞതല്ലെ… ഞങ്ങള് തമ്മിൽ ഒരു പ്രശ്നവും ഇല്ലാന്ന്… നിങ്ങൾ പൊക്കോ………”
പുറത്തുള്ളവരോടായവൾ വിളിച്ചു പറഞ്ഞു…..

“നിങ്ങള്ക്ക് വിശക്കുന്നില്ലേ നന്ദൂട്ടാ…..??”
ചോദ്യം എമിലിയുടേത് ആയിരുന്നു..

“മമ്മി പോയെ….. ഞങ്ങൾക്ക് വിശക്കുന്നൊന്നും ഇല്ല……നിങ്ങളെന്തിനാ ഇവിടെ കൂടിയേക്കണേ…. എല്ലാവരും താഴേക്കു പൊയ്‌ക്കെ…..”