നിഴലായ് അരികെ – 18 [ചെമ്പരത്തി] 778

“മ്മ്…… ശരി ആയ്ക്കോട്ടെ……”
നന്ദന്റെ ശാന്തമായ സ്വരം അവൾക്ക് ആശ്വാസത്തിന്റെ ഒരു കടൽ ആയിരുന്നു സമ്മാനിച്ചത്……

പറഞ്ഞിട്ട് പതിയെ എഴുന്നേറ്റ നന്ദനെ,’എങ്ങോട്ടേക്ക്?’ എന്ന ചോദ്യം കണ്ണിൽ കൊരുത്തു നോക്കിക്കൊണ്ട് അവൾ എഴുന്നേറ്റു…..

പക്ഷെ അവൻ എഴുന്നേറ്റിരുന്നിട്ട് പാന്റിന്റെ പോക്കറ്റിൽ നിന്നും പഴ്സ് വലിച്ചെടുത്തു തുറന്നു…. അതിന്റെ ഉള്ളിലെ അറയിൽ നിന്നും നന്ദൻ, ആര്യയുടെ കട്ടിലിനടിയിലെ ഡ്രോയുടെ കീ പുറത്തെടുത്തു…..

“എനിക്കൊരു കീ കിട്ടിയായിരുന്നമ്മൂ…..”
അവൾക്ക് നേരെ കാണിച്ചുകൊണ്ടവൻ പറഞ്ഞു….

“ഇതെന്റെ ഡ്രോയിന്റെ കീ…..നിനക്കിതെവിടുന്നു കിട്ടി നന്ദേട്ടാ….???? ഞാനിടെവിടെയൊക്കെ……………………….”
കീ തിരിച്ചു കിട്ടിയതിന്റെ സന്തോഷത്തിൽ ചോദ്യങ്ങൾ ഓരോന്നായി ചോദിച്ചു കൊണ്ടിരുന്ന അവൾ പെട്ടന്ന് നിശബ്ദയായി…….

അവളെത്തന്നെ സൂക്ഷിച്ചു നോക്കിക്കൊണ്ടിരുന്ന നന്ദന്റെ മുഖത്തേക്കു നോക്കിയ അവളുടെ മുഖം വിളറി വെളുത്തു……
മുന്നിലെത്തിയ വിധിയെ നേരിടാൻ കഴിയാത്തത് കൊണ്ടാകണം അവളുടെ ശരീരമാകെ വിറക്കാൻ തുടങ്ങിയിരുന്നു…..തല ഒരു കുറ്റവാളിയുടേതെന്നവണ്ണം കുനിഞ്ഞു……

“കണ്ടായിരുന്നു…… ല്ലേ ”
പതറി പതിഞ്ഞ ശബ്ദത്തിൽ അത്രയുമേ അവൾക്കു ചോദിക്കാൻ കഴിഞ്ഞുള്ളൂ……

“മ്മ്മ്….. കനത്തിൽ അവനൊന്ന് മൂളി….”