നിഴലായ് അരികെ – 18 [ചെമ്പരത്തി] 779

താടിയിൽ നിന്നും പിടിവിട്ട അവളുടെ കൈകൾ അവനെ ചുറ്റിപ്പിടിച്ചു വരിഞ്ഞുമുറുക്കി….
കടുത്ത വേദനയാൽ തല വിങ്ങിയ നന്ദൻ അവളുടെ പിടി വിടുവിക്കാൻ ചെറുതായൊന്നു ശ്രമിച്ചെങ്കിലും, അവളുടെ പിടുത്തം അതിലേറെ ഇറുകെ ആയിരുന്നു…..
ഒഴുകി വീഴുന്ന തന്റെ കണ്ണുകളിൽ നിന്നല്ലാതെ,
തന്റെ മൂക്കിൻ തുമ്പിൽ വീണു ചിതറിയ മറ്റൊരു ജലകണം വിളിച്ചുണർത്തിയിട്ടെന്നപോലെ അവൾ ഒന്ന് ഞെട്ടി, കീരിപല്ലുകളുടെ ഇടയിൽ പെട്ട് ഞെരുങ്ങിയ നെഞ്ചിലെ മാംസത്തെ സ്വതന്ത്രമാക്കിയിട്ട് നന്ദന്റെ മുഖത്തേക്കു നോക്കി…
നിറഞ്ഞു നിന്ന കണ്ണുകൾ കണ്ടവൾ മുറുകെ പുണർന്ന തന്റെ കൈകളെ പിൻവലിച്ചു തിടുക്കത്തിൽ നന്ദന്റെ ഷർട്ടിന്റെ ബട്ടൺ അഴിക്കാൻ നോക്കി…..
എന്നാൽ അതു അത്ര എളുപ്പമല്ലെന്നു തോന്നിയിട്ടാകണം ഇരു സൈഡിലും പിടിച്ചവളാ ഷർട്ട്‌ വലിച്ചുകീറി….
ചിലയിടങ്ങളിലൊക്കെ ചോര പൊടിഞ്ഞു തുടങ്ങിയ മുറിപ്പാടിലവളുടെ ചുണ്ടുകൾ തീർത്ത നനവിനൊപ്പം കണ്ണുനീരിലെ ഉപ്പ് കൂടി വീണു നീറ്റിയതിനാൽ ആകണം നന്ദൻ ഒന്ന് ഞെട്ടിപ്പിടഞ്ഞു……
തന്റെ നെഞ്ചിൽ കെട്ടിക്കിടന്നു വീർപ്പുമുട്ടിയ സങ്കടങ്ങൾക്ക് തെല്ലൊരു കുറവ് വന്നതിനാൽ ആകണം,  കഴിഞ്ഞ കുറച്ചു സമയങ്ങളിൽ താൻ ചെയ്ത് കൂട്ടിയ പരാക്രമങ്ങൾ എല്ലാം അവസാനിപ്പിച്ചു, തളർന്നവൾ ഇരുകൈകളും കൊണ്ടവനെ ഇറുകെ പുണർന്നു, ഇടതു നെഞ്ചിലെ മുറിപ്പാടിലേക്ക് കവിളമർത്തി അവന്റെ നെഞ്ചിടിപ്പിന്റെ താളത്തിൽ ലയിച്ചു കണ്ണുകൾ അടച്ചു നിന്നു…….
ഇടയ്ക്കു അവളിൽ നിന്ന് ഉയരുന്ന ചെറു തേങ്ങലിന്റെ ഫലമായി നന്ദന്റെ ശരീരം കൂടി ഉലയുന്നുണ്ടായിരുന്നു…..