നിഴലായ് അരികെ – 18 [ചെമ്പരത്തി] 779

“ശരി എന്നാൽ……. പിന്നെ വിളിക്കാം…..”

എന്നാൽ നന്ദൻ പറഞ്ഞു അവസാനിപ്പിച്ചു കാൾ കട്ട്‌ ചെയ്യുന്നതിന് മുന്നേ പടക്കം പൊട്ടുന്ന പോലൊരു ശബ്ദം കേട്ടു…..കാൾ കട്ട്‌ ആകുകയും ചെയ്തു……

തന്നോട് വല്ലാതെ ദേഷ്യമോ, അല്ലെങ്കിൽ സങ്കടമോ വന്നാൽ എന്തെങ്കിലും ഒന്നവൾ എറിഞ്ഞു പൊട്ടിക്കും എന്ന് നന്ദന് അറിയാവുന്നതിനാൽ തിടുക്കത്തിൽ അവൻ ആര്യയെ കാൾ ചെയ്തു…..
എന്നാൽ “സ്വിച്ചഡ് ഓഫ്‌ ‘എന്ന മറുപടി കിട്ടിയപ്പോൾ തന്നെ ഒരു ചെറു ചിരി അവനിലുണ്ടായി…….
“ഫോണിന്റെ കാര്യത്തിൽ ഒരു തീരുമാനമായി….”
എന്നൊരാത്മഗതത്തോടെ വാതിൽ പൂട്ടിയവൻ തിടുക്കത്തിൽ രവിയേട്ടന്റെ അടുത്തേക്കു നടന്നു….
എറിഞ്ഞു കുത്തി പെയ്ത മഴക്കു ശമനം ഉണ്ടായിരുന്നു……..
രവിയേട്ടനോട് തിങ്കളാഴ്ച കാണാം എന്നും പറഞ്ഞു അവൻ വണ്ടിയെടുത്തു…..കനത്ത മഴ ആയതിനാൽ ആകണം ചുരത്തിലും അതു കഴിഞ്ഞും വാഹനങ്ങൾ കുറവായിരുന്നു….വളവിലൊഴികെ ഒരിടത്തും വണ്ടിയുടെ സ്പീഡ് 60-70 ൽ താഴ്ന്നില്ല….
എട്ടര ആയപ്പോഴേക്കും നന്ദൻ വീട്ടിലെത്തി….. തന്റെ വീട്ടിലേക്കു കയറാതെ ആര്യയുടെ വീട്ടിലേക്കാണ് വണ്ടികയറിയത്…..
മഴത്തുള്ളികൾ വന്നു പതിച്ചു ചിന്നഭിന്നമായ പൂക്കൾ നിറഞ്ഞ മുറ്റത്തേക്കു കയറിയപ്പോഴേ അവൻ കണ്ടു തന്റെ വണ്ടി കണ്ടപ്പോൾ സിറ്റൗട്ടിലെ ചാരുപടിയിൽ നിന്നും പിടഞ്ഞെണീറ്റ് പോർച്ചിലേക്കു ഓടിയിറങ്ങുന്ന ആര്യയെ….
വീതിയേറിയ പോർച്ചിൽ ഫിലിപ്പിന്റെ ഫോർച്ചുനറിന്റെ സൈഡിൽ കൊണ്ട് വണ്ടി നിർത്തി,