നിഴലായ് അരികെ – 18 [ചെമ്പരത്തി] 779

പക്ഷെ ഞാൻ ഒന്ന് മാത്രം പറയാം…… എന്തിന്റെ പേരിലാണെങ്കിലും നിന്നെ നഷ്ടമാക്കാൻ എനിക്ക് ഇന്ന് കഴിയില്ല…… ഇന്ന് നിന്റെ സാമീപ്യം ഇല്ലായ്മ എന്നെ വല്ലാതെ ബുദ്ധിമുട്ടിക്കുന്നുണ്ട്…… നീ ആഗ്രഹിക്കും പോലൊരു ജീവിതം എന്നെനിക്ക് തരാൻ കഴിയുമെന്നോ….. എന്നെങ്കിലും തരാൻ കഴിയുമോ എന്ന് പോലും എനിക്കറിയില്ല……പറയാൻ അറിയില്ലാത്ത എന്തോ ഒന്ന് എന്നെ പിന്നോട്ട് വലിക്കുന്നുണ്ട്……….. ഞാൻ, നീ ആഗ്രഹിക്കുന്ന രീതിയിലേക്ക് മാറാൻ ശ്രമിക്കാം എന്നൊരു ഉറപ്പ് മാത്രമേ തരാൻ കഴിയൂ……..”

അവൻ പറഞ്ഞു നിർത്തിയപ്പോഴേക്കും,ബെഡ്ഡിൽ കുത്തിയിരുന്ന അവന്റെ ഇടതു കൈയ്യിനെ തേടി അവളുടെ വലതു കൈ അരിച്ചരിച്ചു എത്തിയിരുന്നു……

“ദേവേട്ടാ……. നിക്കറിയില്ല…… സത്യം പറഞ്ഞാൽ നിക്കിപ്പോ മരിച്ചാലും സന്തോഷമാണ്…… നീ ന്നെ മനസിലാക്കിയല്ലൊ…… ഞാൻ എത്ര നാൾ വേണമെങ്കിലും കാത്തിരിക്കാൻ തയാറാണ്…… പക്ഷെ നീയില്ലാതെ, നിന്റെ കൂടെ അല്ലാതെ എനിക്കൊരു ജീവനും ജീവിതവും ഉണ്ടാകില്ല………ഞാൻ എത്ര ശ്രമിച്ചു എന്നറിയാവോ….. നിന്നോടൊന്നു പറയാൻ….. പക്ഷെ നിന്റെ അടുത്തു വരുമ്പോൾ എന്നെക്കൊണ്ട് പറ്റുന്നില്ല പറയാൻ……നിന്നെയല്ലാതെ മറ്റൊരാളെ, ന്റെ കൂടെ കൂട്ടുന്നത് എനിക്കോർക്കാൻ പോലും വയ്യ……നീയില്ലാത്ത ജീവിതം…….എനിക്ക്….. അതു ഓർക്കാൻ കൂടി കഴിയില്ലാടാ…….അങ്ങനെ എങ്ങാനും സംഭവിച്ചിരുന്നെങ്കിൽ നീ ന്നെ ജീവനോടെ കാണില്ലായിരുന്നു……”