നിഴലായ് അരികെ – 18 [ചെമ്പരത്തി] 779

നന്ദൻ പതിയെ അവളുടെ കവിളിൽ കൈ ചേർത്ത് പിടിച്ചു…
ചതഞ്ഞു പൊട്ടിയ കവിളിന്റെ വേദന സഹിക്കാൻ വയ്യാത്തത്തിനാൽ ആകണം അവളിൽ നിന്നൊരു അമർത്തിയ കരച്ചിൽ പുറത്തു ചാടി…….

അടുത്ത നിമിഷം അവളെ അമ്പരപ്പിച്ചു കൊണ്ടും അതിലേറെ സന്തോഷത്തിന്റെ മഞ്ഞുകണങ്ങൾ വീഴ്ത്തിക്കൊണ്ടും  അവന്റെ ചുണ്ടുകൾ അവളുടെ കവിളിൽ, ഒരു പൂവിന്മേലെന്നവണം മൃദുവായി പതിഞ്ഞു…….

“സാരമില്ല……..എന്നെ  ഭ്രാന്ത് പിടിപ്പിച്ച നിന്റെ കുറുമ്പുകൾക്ക് ഒരു ശിക്ഷ കിട്ടിയെന്നു കരുതിയാൽ മതിട്ടോ…….”
അവന്റ സ്വരം ആർദ്രമായിരുന്നു…….

അവൾ പതിയെ മുഖമുയർത്തി നന്ദനെ നോക്കി….. ആ കണ്ണുകളിൽ നിറഞ്ഞിരുന്ന പരിഭവങ്ങളും കുസൃതികളും നന്ദനിൽ പ്രണയത്തിൽ ഉപരി ഒരു വാത്സല്ല്യഭാവം ആണ് നിറച്ചത്……അവൻ ഒന്നുകൂടി അവളെ നെഞ്ചോട് ചേർത്തു പിടിച്ചു…….
എന്നാൽ അടുത്ത നിമിഷം ആര്യ തന്റെ കരങ്ങൾ കൊണ്ട് നന്ദന്റെ തലക്കിരുവശത്തും പിടിച്ചു തന്നിലേക്കടുപ്പിച്ചു അവന്റെ കീഴ്ച്ചുണ്ടിൽ അമർത്തിക്കടിച്ചു……

“ആഹ്ഹാ………”
വേദന കൊണ്ട് പുളഞ്ഞ അവൻ പെട്ടന്നവളിൽ നിന്നു പിടി വിട്ടു…..
ആ ഒരു നിമിഷം കൊണ്ട് വാതിൽ തുറന്നവൾ പുറത്തു ചാടിയിട്ട് ചെറുതായി ഉയർന്നൊരു ചിരിയോടെ നന്ദനെ നോക്കി ഒരു നിമിഷം നിന്നു….
അസഹ്യമായ നീറ്റൽ കാരണം തല കുടഞ്ഞിട്ട്, തന്റെ കൈത്തലം കൊണ്ട് ചുണ്ട് തുടച്ച അവന്റെ കയ്യിൽ നീളത്തിൽ ചോര പുരണ്ടിരുന്നു……

തല ഉയർത്തി തന്നെ നോക്കിയ നന്ദനെ കണ്ട് ചിരിമാഞ്ഞ അവൾ,സ്റ്റേയർ വഴി താഴെക്കോടി……