നിഴലായ് അരികെ – 18 [ചെമ്പരത്തി] 779

നമ്മൾ അങ്ങോട്ടേക്ക് ചെന്നിട്ട് കുറച്ചു ദിവസം കഴിയുമ്പോൾ റോബിനെ അങ്ങോട്ടേക്ക് വിളിക്കാം…… പോരെ…..”
പറഞ്ഞവസാനിപ്പിച്ചപ്പോഴേക്കും നന്ദൻ കടിച്ചു പിടിച്ച ചിരിപുറത്തു ചാടി……

തന്നെ പറ്റിച്ചതാണെന്ന് മനസിലായ അവൾ നന്ദന്റെ ഇരു കൈകളിലും അള്ളിപ്പറിച്ചു കൊണ്ട് രോമം നിറഞ്ഞ കവിളിൽ അമർത്തിക്കടിച്ചു……

“ആഹ്…… ടീ…. കടിക്കാതെടീ പട്ടീ……..”
പറഞ്ഞു കൊണ്ടൊരു തരത്തിൽ അവളുടെ പല്ലുകൾ അവൻ വിടുവിച്ചു…..

“നിനക്കിത്തിരി….. കടിച്ചുപറിക്കൽ കൂടുന്നുണ്ട് അമ്മൂ……”
കവിളത്തു അമർത്തി തിരുമ്മിക്കൊണ്ട് നന്ദൻ അവളോട് പറഞ്ഞു……
“നന്നായിപ്പോയി…. ഞാൻ ന്റെ കെട്ട്യോന്റെ കവിളത്തല്ലേ കടിച്ചെ……….”

“ആണോ………????”
ഒരീണത്തിൽ നന്ദൻ അവളോട് ചോദിച്ചു……
“ങ്ഹാ…… അങ്ങനെ തന്നെ ആണ്…… ന്തേ….?? ന്തെങ്കിലും കുഴപ്പം ണ്ടോ..????”

“ഇല്ല….. ഒരു കുഴപ്പവും ഇല്ല… പക്ഷെ ഞാൻ നേരത്തെ പറഞ്ഞ ശിക്ഷ തന്നില്ലല്ലോ…. ഇത്രയും കാലം കൂടെ നിന്നു എന്നെ വിഡ്ഢി ആക്കിയതിനും ഇത്രയെല്ലാം ഒപ്പിച്ചതിനും…..”

“തന്നോ……..”
ന്നും പറഞ്ഞവൾ തന്റെ ഇടതു കവിൾ അവനെ വീർപ്പിച്ചു കാണിച്ചു……

“അതു ഞാൻ പിന്നെ തന്നോളാം….. ഇപ്പൊ അതല്ല…..”
പറഞ്ഞു കൊണ്ടവൻ മെല്ലെ എഴുന്നേറ്റു…
എന്താണ് നന്ദന്റെ ഉദ്ദേശം എന്ന് മനസിലാകാതെ ആര്യ അവനെ പകച്ചു നോക്കി…..

റൂമിൽ ഉണ്ടായിരുന്ന ഉയരമുള്ള അലമാരയുടെ മുന്നിലേക്ക് അവൻ കസേര വലിച്ചിട്ടതു കണ്ട ആര്യയുടെ മുഖം വിളറി, കണ്ണുകളിൽ  ഒരു കുഞ്ഞു നടുക്കം പാഞ്ഞു…..