നിഴലായ് അരികെ – 18 [ചെമ്പരത്തി] 779

“നിനക്ക്…. ന്നെ വേണ്ടാല്ലേ…. നിനക്ക് കാർത്തികേനെ കൊണ്ട് വരണം ല്ലേ…..??? സമ്മതിക്കൂല ഞാൻ ഞാൻ ഒഴിവായി പോയാലല്ലേ….. നീ അവളെ കൊണ്ട് വരത്തുള്ളൂ….. കൊല്ലും ഞാൻ നിന്നെ…. ന്നിട്ട് ഞാനും ചാകും….. നിക്ക് നീയില്ലാതെ  പറ്റില്ലെടാ ദേവേട്ടാ……”

അവൻ പതിയെ അവളുടെ ഇരു കൈകളും തന്റെ കഴുത്തിൽ നിന്നു വിടുവിച്ചിട്ട്‌ അവളുടെ കണ്ണുകളിലേക്ക് നോക്കി……
“നീ ആദ്യം ഇതൊന്നു നേരെയിട്……”
തോളിൽ നിന്നൂർന്നു തന്റെ നെഞ്ചിൽ വീണു കിടക്കുന്ന സാരിയെ നോക്കി നന്ദൻ പറഞ്ഞു…
ഒരു നിമിഷം കൊണ്ട് തുടുത്തു,ആരുണാഭമായ കവിളുകൾ ഒളിപ്പിക്കാൻ എന്നവണ്ണം മുഖം കുനിച്ചവൾ തിടുക്കത്തിൽ സാരി വലിച്ചിട്ടു…..

“ഞാൻ കാർത്തികയെ ഇങ്ങിട്ട് കൊണ്ട് വരുന്ന കാര്യം പറഞ്ഞത്……. നിനക്കിട്ട് ഉള്ളൊരു പണി തന്നെ ആണ്…… നിന്റെ നാത്തൂൻ ആയിട്ട്……”

“അപ്പൊ നീ ന്നെ ഒരു പെങ്ങളായിട്ട് മാത്രമേ കാണുന്നുള്ളൂ ദേവാ…..????”
പുറത്തു ചാടാൻ വെമ്പിയ ഒരു പൊട്ടിക്കരച്ചിലിനെ ചുണ്ടുകളുടെ തടവറയിൽ പിടിച്ചു കെട്ടി……

“ഈ റോബിൻ ന്നു പറയണ കക്ഷി നിന്റെ അനിയൻ തന്നെ അല്ലെ……അമ്മൂ…??”

അവൾ ഒന്നും മിണ്ടാതെ കണ്ണ് മിഴിച്ചവനെ നോക്കി….
“അതായത് അമ്മൂ….. ഞാൻ ഉദ്ദേശിച്ചത്….. കാർത്തികയെ റോബിനെക്കൊണ്ട് കെട്ടിച്ചാലോ എന്നാണ്……. ഞാൻ റോബിനോട് സംസാരിച്ചിരുന്നു…. അവനു കുഴപ്പമില്ല……പഠിത്തം കഴിഞ്ഞു,ജോലി ആയിക്കഴിഞ്ഞു മതിയെന്ന് ഒരഭിപ്രായമേ അവനുള്ളൂ….അതിനു മുൻപ് അവളെ ഒന്ന് കാണണ്ടേ അവനു…..