നിഴലായ് അരികെ – 18 [ചെമ്പരത്തി] 779

അവളുടെ ഇരു കൈകളും ഒരു മുള്ളവള്ളിയെന്നത് പോൽ നന്ദനെ ചുറ്റിവരിഞ്ഞുകൊണ്ട് അവന്റെ നെഞ്ചിലെ ചൂട് തന്നിലേക്കാവാഹിച്ചു …..
ഒരു കുഞ്ഞിനെ എന്നത് പോൽ തന്റെ നെഞ്ചിൽ കിടത്തിയ അവളെ കുറെ നേരം കഴിഞ്ഞപ്പോളവൻ അടർത്തിമാറ്റി……
തന്റെ മുഖത്തേക്കു നോക്കാനാകാതെ കുനിഞ്ഞു പോകുന്ന അവളുടെ മുഖമവൻ താടിത്തുമ്പിൽ പിടിച്ചുയർത്തി…. എങ്കിലും ആ കണ്ണുകൾക്ക് അവനെ നോക്കാൻ ഉള്ള ധൈര്യമുണ്ടായില്ല…..

“അമ്മൂ……”
മൃദുവായുള്ള വിളി കേട്ടവളുടെ മിഴികൾ ഒരു പിടച്ചിലോടെ അവന്റെ മുഖത്തേക്കുയർത്തി….
“നീ എന്തൊക്കെ ന്യായീകരണം മുന്നോട്ടു വച്ചാലും നീ ചെയ്തതിനു പകരം ആകുമെന്ന് നിനക്ക് തോന്നുന്നുണ്ടോ….??”

“ങ്ഹും…..”
അവൾ നിഷേധാർഥത്തിൽ പതിയെ മുഖമനക്കി…അവനെ നോക്കിയ കണ്ണുകൾ വീണ്ടും താഴ്ന്നു പോയിരുന്നു…..

“അപ്പൊ…… അതിനുള്ള ശിക്ഷ നിനക്ക് കിട്ടണ്ടേ……”
അതിനു മറുപടിയായി അവൾ വേണമെന്ന്, പതിയെ തലയനക്കി….

“അതു കൊണ്ട്…………….. കാർത്തികയെ ഞാൻ……ഇങ്ങോട്ട്…….കൊണ്ട് വരാൻ തീരുമാനിച്ചു…..”

എന്നാൽ നിമിഷ നേരം കൊണ്ടാണ് അവളുടെ ഭാവം മാറിയത്…..
നന്ദനെ തള്ളി ബെഡിലേക്കിട്ട അവൾ അവന്റെ വയറിൽ കയറി ഇരു വശത്തായി കാലുകൾ ഇട്ടിരുന്നശേഷം അവന്റെ കഴുത്തിൽ ഇരു കൈകളും കൊണ്ട് പിടി മുറുക്കി…..