നിഴലായ് അരികെ – 18 [ചെമ്പരത്തി] 779

സത്യം പറഞ്ഞാൽ ഇനി……..ഇനി….ജീവിക്കണ്ടാ എന്ന് പോലും…………തോന്നിപ്പോയി……. അതു മുടക്കാൻ ഞാൻ പരമാവധി ശ്രമിച്ചേനെ…. ന്നിട്ടും…….. ന്നിട്ടും…..ഞാൻ തോറ്റു പോയിരുന്നെങ്കിൽ……….നീ……..ന്നെ ഇങ്ങനെ……..കാണില്ലായിരുന്നു……. ഒരിക്കലും….. എനിക്ക് നിന്നെ അത്രക്കിഷ്ട്ടാടാ……..നീ…. നീ….. ന്റെ…. ന്റെ മാത്രം ദേവേട്ടനാ……. ന്റെ മാത്രം…… വേറെ ആർക്കും ഞാൻ കൊടുക്കൂലാ…… ന്റെ മാത്രാ…. ന്റെ മാത്രം…..”

പറയുന്നതിനിടയിൽ,തന്റെ കയ്യിൽ ചുറ്റിപിടിച്ചിരുന്ന അവളുടെ കൈ അയഞ്ഞു പോകുന്നതും സ്വരം കുഴയുന്നതും അറിഞ്ഞ നന്ദൻ ഞെട്ടിയവളെ നോക്കി….
ഒരു നിമിഷം കൊണ്ട് കണ്ണുകൾ പുറകോട്ട് മറിഞ്ഞു കുഴഞ്ഞു വീഴാൻ പോയ അവളെ നന്ദൻ തന്റെ കൈപ്പിടിയിൽ ഒതുക്കി…..

“അമ്മൂ….. അമ്മൂട്ടീ…. ടാ ….. ഒന്നൂല്ല്യ….. നീ കണ്ണ് തുറന്നെ….. അമ്മൂ….. ടാ….”
ഒരു നിമിഷം പകച്ച നന്ദൻ അവളുടെ കവിളിൽ തട്ടിവിളിച്ചു…..
അവളിൽ നിന്നും ഒരു പ്രതികരണവും കാണാതായതോടെ അവൻ വേഗം കയ്യെത്തിച്ചു അടുത്തിരുന്ന ടേബിളിലെ വാട്ടർ ബോട്ടിൽ വലിച്ചെടുത്തു തുറന്നു അൽപ്പം തന്റെ കയ്യിലെക്കൊഴിച്ചു അവളുടെ മുഖം ഒന്നു തുടച്ചു….. ഒന്ന് രണ്ട് തവണ അതു തന്നെ ആവർത്തിച്ചപ്പോഴേക്കും ആര്യ പതിയെ മിഴികൾ തുറന്നു……
തന്നെ നോക്കിയ അവളുടെ മിഴികളും മുഖവും വീണ്ടും പെയ്യാനൊരുങ്ങുന്നത് കണ്ടവൻ അവളെ വലിച്ചു തന്റെ മാറോടടുക്കി….