നിഴലായ് അരികെ -10 [ചെമ്പരത്തി] 360

“നീ വന്നേ നന്ദാ…..” പ്രിയയുടെ കത്തുന്ന നോട്ടത്തെ അവഗണിച്ചു ആര്യ ബൈക്കിൽ ചാരി നിന്ന നന്ദനെ വലിച്ചെണീപ്പിച്ചു….

 

“സോറി പ്രിയാ…… ഇപ്പോൾ വരാട്ടോ….. ”

എന്നും പറഞ്ഞു നന്ദൻ ദേഷ്യം പിടിച്ചു നിൽക്കുന്ന അവരെ ഒന്നു നോക്കിയിട്ട് ആര്യയുടെ കൂടെ മുൻപോട്ടു നടന്നു..

 

“ന്താ മ്മൂ…..??  അവർ എന്ത് വിചാരിച്ചിട്ടുണ്ടാകും..??? ”

 

“എന്ത് വിചാരിച്ചാലും എനിക്കൊന്നുമില്ല…… എനിക്കിപ്പോ അത്യാവശ്യം ആയിട്ട് ടോയ്‌ലെറ്റിൽ പോകണം.. പുറകിലത്തെ ബിൽഡിങ്ങിലുള്ള  ടോയ്ലറ്റ് ന്റെ കീ മാത്രമേ അവിടുള്ളൂ……….. അവിടാണെങ്കിൽ ഒട്ടും വെളിച്ചം  ഇല്ല…മിസ്സുമാർ എല്ലാവരും പോയി….. ഞാൻ തന്നെ പോയാൽ ശരിയാകില്ല……. പേടിയൊന്നും ഇല്ല……. ന്നാലും ചെറിയൊരു ഭയം…….??”

 

 

“ങ്‌ഹേ….. നിനക്ക് അതൊക്കെയുണ്ടോ……??  അതെപ്പോ തൊട്ട്???….. ന്തായാലും വേഗം നടക്ക്……ഇല്ലെങ്കിൽ  ഗ്രൗണ്ട്  നനയും “??

 

“പോടാ….. “??????

 

അവർ മെയിൻ ബില്ഡിങ്ങിന്റെ പുറകിൽ ഉള്ള ബിൽഡിങ്ങിലേക്കു പോകുന്നത് കണ്ട രണ്ടു കണ്ണുകളിൽ വന്യമായ ഒരു തിളക്കം മിന്നിമറഞ്ഞു…. അയാൾ ഫോൺ എടുത്തു എന്തോ സംസാരിച്ചിട്ട്

കട്ട്‌ ചെയ്തു….

 

ആര്യ പറഞ്ഞത് പോലെ തന്നെ വെളിച്ചം വളരെ കുറവായിരുന്നു അവിടെ….അവൾ മൊബൈലിലെ ടോർച് ഓൺ ചെയ്തു…

ആര്യയോട് ഉള്ളിൽ കയറിക്കോളാൻ പറഞ്ഞിട്ട് നന്ദൻ പുറത്തു നിന്നു…….

 

ഏതാനും നിമിഷങ്ങൾക്കുള്ളിൽ തന്നെ ഉള്ളിൽ നിന്നുയർന്ന ആര്യയുടെ നിലവിളി നന്ദനെ നടുക്കി….. ഒപ്പം തന്നെ പുറകിൽ നിന്നും എന്തോ വീഴുന്ന ശബ്ദവും നന്ദന്റെ ചെവിയിലെത്തി….

 

“അമ്മൂ…… അമ്മൂസേ……. വാതിൽ തുറക്ക്…. ”

നന്ദൻ പരിഭ്രമത്തോടെ വാതിലിൽ തട്ടി വിളിച്ചു…

അവൾ വാതിൽ തുറക്കാൻ വൈകുന്നത് കണ്ട നന്ദൻ വേഗം പുറകിലേക്കോടി….