നിയോഗം Part II (മാലാഖയുടെ കാമുകൻ) 1191

മെറിൻ ചെന്നിറങ്ങുമ്പോൾ പോലീസുകാർ ഉണ്ടായിരുന്നു ആ വീട്ടിൽ..

അവൾ ചെന്നപ്പോൾ രാജൻ അടുത്ത് വന്നു…

“മാം.. ഒരു പ്രശ്‌നം ഉണ്ട്..”

“വാട്ട് മാൻ?”

“കൊണ്ടുവന്ന പോലീസ് നായ പേടിച്ചു കരഞ്ഞു.. അകത്തു കയറുന്നില്ല.. വേറെ ഒന്നിനെ കൊണ്ടുവരാൻ പറഞ്ഞിട്ടുണ്ട്..”

“അതിനു വല്ല പനിയും ഉണ്ടാകും.. കം വിത്ത് മി…”

അവൾ അകത്തേക്ക് നടന്നു.. ഫോറൻസിക് വിഭാഗം അവരുടെ ജോലി തുടങ്ങിയിരുന്നു.. മൂന്ന് ബോഡിയും കട്ടിലിൽ തന്നെ ആണ് കിടന്നിരുന്നത്..

കഴുത്തിൽ സർജിക്കൽ ബ്ലേഡ് പോലെ നല്ല മൂർച്ച ഉള്ള എന്തോ ഒന്ന് കൊണ്ട് മുറിച്ചിട്ടാണ് കൊന്നിരിക്കുന്നത്..

ഡോർ ലോക്ക് വെടിവച്ച് തകർത്തിട്ടാണ് അകത്തു കയറിയത്.. ഉപയോഗിച്ച ഗൺ ഏതായാലും ഒറ്റ ഷോട്ടിന് ലോക്ക് പൊട്ടിചിതറിയിട്ടുണ്ട്..

പോലീസുകാർ വേറെ ഒരു നായയെ കൊണ്ടുവന്നു.. അത് മണം പിടിച്ചു അസ്വസ്ഥത കാണിക്കാൻ തുടങ്ങി.. അകത്തു കയറാൻ വിസമ്മതിച്ചു അതവിടെ പുറത്തു കിടന്നു… അതിന്റെ കണ്ണിൽ പേടി നിറഞ്ഞിരുന്നു..

അത് കണ്ടപ്പോൾ പോലീസുകാർക്ക് ഒക്കെ ഒരുതരം ഭയം തോന്നി.. ആദ്യത്തെ അനുഭവം ആണ്..

എന്നാൽ മെറിൻ വല്ലാത്തൊരു ആശയക്കുഴപ്പത്തിൽ ചിന്തിച്ചു നിന്നു.. അവൾക്ക് ഈ സിറ്റുവേഷൻ ഇതിനും മുൻപ് വേറെ പലയിടത്തും കണ്ടത് പോലെ…

cctv ഹാർഡ് ഡിസ്ക് ഇല്ല.. ഒരു ഫിംഗർപ്രിന്റോ തെളിവോ ഇല്ല.. ഇതിപ്പോൾ ഇതുപോലെ കുറച്ചു സ്ഥലങ്ങളിൽ നടന്നിട്ടുണ്ട്..
അത് മെറിനും, രാജനും നന്നായി അറിയാം.. അവർ കണ്ണിൽ കണ്ണിൽ നോക്കി..

ഇന്നലെ റോഷൻ ഇരുന്നത് ഇവിടെ ആണല്ലോ എന്ന് മെറിൻ ഓർത്തു..

“രാജൻ?”

“യെസ്‌ മാം..”

“ആ റെയിൽവേ ട്രാക്ക്.. അവിടെ ഒന്ന് പോകണം.. “

“ഫൈൻ മാം.. വരൂ..”

രാജൻ കാര്യങ്ങൾ ബാക്കി ഉള്ളവരെ ഏൽപ്പിച്ച ശേഷം ജീപ്പിൽ കയറി, മെറിൻ അവരുടെ വണ്ടിയിലും….

****

രാവിലെ ഞാൻ ഒരു ചൂട് ദേഹത്ത് അമർന്നു കിടക്കുന്നത് സ്വപ്നം കണ്ടിട്ടാണ് ഉണർന്നത്..

കണ്ണ് തുറന്നപ്പോൾ ഒരു സുന്ദരി അടുത്ത് കിടന്നു ഉറങ്ങുന്നു.. അവൾ എന്നെ മുറുക്കി പിടിച്ചിട്ടുണ്ട്.. ഇന്നലത്തെ കാര്യങ്ങൾ ഒക്കെ ഓർമ വന്നു..

ഇവളെ കാണാൻ വല്ലാത്തൊരു ഭംഗി ആണല്ലോ എന്ന് ഞാൻ ആലോചിച്ചു..
അവൾ പെട്ടെന്ന് കണ്ണ് തുറന്നു എന്നെ നോക്കി..

“നീ ഏതാടാ പട്ടി??”

ഞാൻ ഞെട്ടിപ്പോയി.. അവൾ അതും ചോദിച്ചു അലറിക്കൊണ്ട് എന്നെ തള്ളി നിലത്തിട്ടു.. ചാടി എന്നീട്ടു റൂമിന്റെ ഒരു മൂലക്ക് പോയി നിന്നു…

തല അടിച്ചാണ് ഞാൻ വീണത്.. അതിന്റെ വേദനയിൽ ഞാൻ താഴെ തന്നെ കിടന്നു..

“അയ്യോ… റോഷൻ.….”

അവൾ ഓടി വന്നു എന്നെ വലിച്ചു പൊക്കി ബെഡിൽ ഇരുത്തി തല അമർത്തി തടവിതരാൻ തുടങ്ങി..

ഞാൻ അവളെ തള്ളി മാറ്റി… എനിക്ക് ദേഷ്യം വന്നിരുന്നു..

“സോറി..”

അവൾ മെല്ലെ പറഞ്ഞു..

“നിന്റെ അപ്പനോട് പറ…”

“അങ്ങേരു പണ്ടേ ചത്തു…”

അവളുടെ മറുപടി എന്റെ വായ അടച്ചു.. അവൾ ചുറ്റിനും നോക്കി. അവളുടെ നനഞ്ഞ തുണികൾ അവിടെ കിടക്കുന്നുണ്ട്..

“നീയെന്നെ ഒന്നും ചെയ്‌തില്ലല്ലോ അല്ലെ?”

അവൾ എന്നെ സംശയത്തോടെ നോക്കി..