നിയോഗം Part II (മാലാഖയുടെ കാമുകൻ) 1191

“എനിക്കും വേണം..”

ഞാൻ പറഞ്ഞപ്പോൾ അവൾ എനിക്കും കുറച്ചു ബാക്കി വച്ചു..
ഞാനും വെള്ളം കുടിച്ചു..

എന്റെ കണ്ണ് ആ മേശയിൽ ഇരുന്ന കുപ്പിയിൽ പോയി..

“വല്ലാത്ത ടെൻഷൻ.. കുറച്ചു കുടിച്ചാലോ? “

ഞാൻ അവളോട് പറഞ്ഞപ്പോൾ അവൾ അടുക്കളയിൽ പോയി രണ്ടു ഗ്ലാസ് കൊണ്ടുവന്ന് മേശയിൽ വച്ചു..

രണ്ടു സ്റ്റൂളും എടുത്തു വലിച്ചു ഒന്നിൽ ഇരുന്നു.. ഞാൻ കുപ്പി തുറന്നു രണ്ടു ഗ്ലാസ്സിലേക്കും ഒഴിച്ചു.. അല്പം വെള്ളവും ഒഴിച്ച് നേരെ വായിലേക്ക് കമഴ്ത്തി…

വല്ലാത്ത കയ്പ്പും ചവർപ്പും.. ഞാൻ അവളെ മുഖം ചുളിച്ചു നോക്കിയപ്പോൾ അവളും അത് വലിച്ചു കുടിച്ചു..

“തിന്നാൻ വല്ലതും ഉണ്ടോടീ?”

“ചത്തവൻ വാങ്ങിയ സാധനങ്ങൾ ഉണ്ട്.. തിന്നാൻ മടി ഉണ്ടോ?”

അവൾ എന്നോട് ചോദിച്ചു..

“എന്ത് മടി? അവൻ ചത്താൽ എനിക്കെന്താ? എന്തെങ്കിലും താ തിന്നാൻ.. ഞാനും ചാകാൻ പോകുവാ…”

അവൾ എന്നെ ഒന്ന് നോക്കി.. അടുക്കളയിൽ പോയി രണ്ടു പ്ലേറ്റുകൾ കൊണ്ടുവന്നു. മേശയിൽ ഇരുന്ന കവറുകൾ തുറന്നു..
പൊറോട്ടയും ചിക്കൻ പൊരിച്ചതും ബീഫ് ഫ്രൈയും…

“ഇന്ന് രാത്രി എന്നെ എളുപ്പത്തിൽ കിട്ടും എന്ന് കരുതി വന്നവൻ ട്രെയിനിന്റെ അടിയിൽ പോയി…ഹഹഹ..”

അവൾ പൊട്ടിച്ചിരിച്ചു.. എനിക്കും ചിരി വന്നു.. ഞാൻ ചിക്കൻ എടുത്തു കടിച്ചു ചവച്ചു.. ഓരോ പെഗ് കൂടി അകത്താക്കി..

അവൾ ബീഫ് വാരി തിന്നു..

“ഡാ ശവമേ.. ഇത് കഴിഞ്ഞു പോയി ചത്താലോ?”

അവൾ കുഴഞ്ഞ ശബ്ദത്തിൽ എന്നോട് ചോദിച്ചു..

“ചാകാമെടീ.. നിന്നെയും കെട്ടിപിടിച്ചു ഞാൻ ചാകും… ഒന്നും ഇല്ലെങ്കിലും നീയൊരു സുന്ദരി അല്ലെ”

ഞാനും കുഴഞ്ഞ ശബ്ദത്തിൽ പറഞ്ഞു..

“മ്മ്മ് നീ ഉണ്ടാക്കും… “

അവൾ ചിരിച്ചു കൊണ്ട് പാമ്പ് ആടും പോലെ മെല്ലെ ആടാൻ തുടങ്ങി..

“നിന്റെ പേര് എന്താടീ?”

“മീനാക്ഷി…. നിന്റെയോ?”

“റോഷൻ….”

“ഇതൊക്കെ എന്ത് പേര്.. വല്ല ശശി എന്നൊക്കെ ആണെങ്കിൽ വിളിക്കാൻ സുഖം ആണ്.. “

“റിയൽ ലൈഫ് ശശി ആണെടീ….. ആർക്കും വേണ്ടാത്തവൻ..നിനക്ക്‌ ആരും ഇല്ല.. എന്നാൽ എനിക്ക് എല്ലാവരും ഉണ്ട്.. അവർ തന്നെ എന്നെ ഇറക്കി വിട്ടു… “

ഞാൻ അവളെ നോക്കി ചിരിച്ചു..

അവൾ അത് കേട്ടപ്പോൾ ആട്ടം നിർത്തി.. എന്നെ നോക്കി..

“നീ കുടിക്കടാ…”

എന്ന് പറഞ്ഞു ഒന്ന് കൂടി ഒഴിച്ച് തന്നു.. ഒരു ചിക്കൻ പീസ് എടുത്തു വായിൽ വച്ച് തന്നു..

“നിനക്ക് ഞാൻ ഉണ്ടെടാ.. നമുക്ക് ഒരുമിച്ചു ചാകാൻ പോകാം..”

അവൾ അതും പറഞ്ഞു ചിരിച്ചു.. ഞാനും.. അവിടെ ഇരുന്നു ഞങ്ങൾ ഭക്ഷണം മൊത്തം കഴിച്ചു..

“എനിക്ക് കുളിക്കണം.. എന്നിട്ട് മരിക്കാൻ പോകാം…”

അവൾ അതും പറഞ്ഞു അടുക്കള വാതിൽ തുറന്നു പുറത്തേക്ക് ആടി ആടി നടന്നു പോയി…

“ഡാ ഇവിടെ വാടാ….”

അവൾ അവിടെ കിടന്നു ഒച്ച വച്ചപ്പോൾ ഞാനും ചെന്നു..

“എന്താടീ?”

അവൾ ഒരു ബക്കറ്റ് വെള്ളം എടുത്തു എന്റെ തലയിൽ കൂടി ഒഴിച്ചു.. ഞാൻ വിറച്ചു പോയി…

“നമുക്ക് കുളിച്ചിട്ട് മരിച്ചാൽ മതി… അതാ അതിന്റെ ഒരു രീതി..”

അവൾ വേറെയൊരു ബക്കറ്റ് വെള്ളം എടുത്തു അവളുടെ തലയിൽ കൂടിയും ഒഴിച്ചു..