നിയോഗം 2 Dark World Part VIII (മാലാഖയുടെ കാമുകൻ) 1511

മൂന്നാമൻ നിലത്തു വീണ ഗൺ എടുത്തു അവൾക്ക് നേരെ ചൂണ്ടിയതും അവൾ പമ്പരം കറങ്ങും പോലെ വായുവിൽ കറങ്ങി കാലു വീശി അടിച്ചു..

ഷോട്ട്ഗൺ രണ്ടു ഭാഗമായി പൊട്ടി നിലത്തു വീണു..

അത് നോക്കി അമ്പരന്നു നിന്നവന്റെ പുറകിൽ എത്തി അവൾ അയാളുടെ തല പിടിച്ചു ഒന്ന് തിരിച്ചു..

വല്ലാത്തൊരു ശബ്ദം.. കഴുത്തിന്റെ എല്ലു പൊട്ടിയതോ എന്തോ..

ചക്ക വീഴും പോലെ ആയാളും വീണു..

ഇതൊക്കെ കഴിഞ്ഞത് നിമിഷങ്ങൾ കൊണ്ടാണ്.. മെറിനും ലിസയും കണ്ണിൽ കണ്ണിൽ നോക്കി.. ആ വേഗതയും ശക്തിയും കണ്ടു ഡിഎ അമ്പരന്നു നിന്നു..

ഉടനെ അവരുടെ തലവൻ..

ചിതറിയ കൈപ്പത്തി നെഞ്ചോട് ചേർത്ത് പിടിച്ചു മറ്റേ കൈകൊണ്ടു അയാൾ പോക്കറ്റിൽ നിന്നും ഒരു പിസ്റ്റൾ വലിച്ചെടുത്തു..

എന്നാൽ അത് ലോഡ് ചെയ്യാൻ അയാൾക്ക് പെട്ടെന്ന് കഴിഞ്ഞില്ല..

അപ്പോഴേക്കും റെവൻ ചാടി അയാളുടെ മുൻപിൽ ചെന്ന് തിരിഞ്ഞു അയാളുടെ നെഞ്ച് നോക്കി ശക്തമായ ഒരു സൈഡ് കിക്ക്‌ കൊടുത്തിരുന്നു..

നിലവിളിയോടെ തെറിച്ചു പോയ അയാൾ ഷെവർലെ സിൽവറാഡോയിൽ ഇടിച്ചു താഴെ വീണു വണ്ടി അടക്കം പുല്ലിൽ കൂടി അല്പം നിരങ്ങി പോയി നിന്നു.. നിലത്തു വീണ അവൻ പിന്നെ അനങ്ങിയില്ല.

ഡിഎ പേടിച്ചു പുറകോട്ട് അല്പം മാറിയപ്പോൾ റെവൻ അവരുടെ നേരെ തിരിഞ്ഞു..

“യു തിങ്ക് യു ക്യാൻ ടച്ച് ഹിസ് ഗേൾസ്? ഇൻക്ലുഡിങ് തെം?”

റെവൻ മെറിനെയും ലിസയെയും ചൂണ്ടി ആണ് ഡിഎയോട് അത് ചോദിച്ചത്..

റെവന്റെ വായിൽ നിന്ന് വന്ന ചോദ്യം കേട്ടപ്പോൾ ഡിഎ രണ്ടുപേരും പകച്ചു മെറിനെയും ലിസയെയും നോക്കി..

മെറിനും ലിസയും ആ അവസരത്തിലും അല്പം ലജ്ജിച്ചത് പോലെ ആയി..

അവൾ പറഞ്ഞ “ഹിസ്” റോഷൻ ആണെന്നും.. അവന്റെ പെണ്ണുങ്ങൾ.. അതിൽ ഞങ്ങളും പെട്ടു എന്ന് പറഞ്ഞ റെവനെ അവർ രണ്ടുപേരും ഒരു നിമിഷം ആരാധനയോടെ നോക്കി..

വല്ലാത്തൊരു ഇരമ്പൽ കേട്ടു.. എല്ലാവരും അങ്ങോട്ട് നോക്കി..

രണ്ടു പോലീസ് ജീപ്പും ഒരു ഇന്നോവയും കുതിച്ചു അവർ നിൽക്കുന്ന ഇടത്തേക്ക് വരുന്നു..

അത് കണ്ടപ്പോൾ റെവൻ തിരിഞ്ഞു മെറിന്റെ അടുത്തേക്ക് ഓടി വന്നു..

ഡിഎ നിമിഷ നേരം കൊണ്ട് വന്ന വണ്ടികളിൽ കയറി..

“അവർ എന്നെ കാണാൻ പാടില്ല മെറിൻ…സീ യു..”

റെവൻ അത് പറഞ്ഞു ചാടി ബൈക്കിൽ കയറി അത് ഓൺ ആക്കി കാലിൽ കുത്തി കറക്കി എടുത്തു ഒരു നിമിഷം പുറകോട്ട് നോക്കി…

ഇന്നോവയിൽ നിന്നും നിമിഷ നേരം കൊണ്ട് ചാടി ഇറങ്ങിയ റാണ റെവന്റെ നേരെ പിസ്റ്റൾ ചൂണ്ടി വെടി പൊട്ടിച്ചു..

എന്നാൽ അത് മനസിലാക്കിയ റെവൻ വണ്ടി വെട്ടിച്ചു മുൻപോട്ട് എടുത്തു പോയിരുന്നു..