നന്ദന 6 [ Rivana ] 124

വിധി എന്താണ് എനിക്ക് വേണ്ടി തീരുമാനിച്ചു വച്ചിരിക്കുന്നത് അറിയാതെ എന്റെ കനവുകൾ എല്ലാം നിറവേറാൻ പോകുന്ന സന്തോഷത്തിൽ നിൽക്കുന്ന  സമയത്താണ് ദൈവം എന്നിൽ നിന്നും എന്റെ വേണ്ട പെട്ട ഒന്ന് തിരിച്ചു എടുക്കുന്നത്.

എല്ലായ്പ്പോഴും എന്റെ ജീവിതം വെറും ദൈവത്തിന് തമാശ രൂപത്തിൽ കണ്ടത് കൊണ്ടാകാം. കുറച്ചു സ്വാപനങ്ങളും ആഗ്രഹങ്ങളും സന്തോഷങ്ങളും എനിക് നൽകും എന്നിട്ട് അതിനെല്ലാം ഇരട്ടിയായി എന്നെ വേദനിപ്പിക്കും ദൈവത്തിന് ഒരു കളി മാത്രമാണ് എന്റെ ജീവിതം.

ഞാൻ അച്ഛനും ഇപ്പൊ ഒരുമിച്ചാണ് കിടക്കൽ. ഇനി അധിക നാൾ എനിക്ക് അച്ഛന്റെ കൂടെ ചിലവഴിക്കാൻ സാധിക്കില്ലല്ലോ, അത്‌ കൊണ്ട് ഉറങ്ങുന്ന സമയത്തും അച്ഛന്റെ കൂടെ തന്നെ ഞാൻ ഉണ്ടാകണം എന്നെനിക്ക് തോന്നി.

അങ്ങനെ ഞാൻ രാവിലെ അലാറം അടിക്കുന്ന ശബ്‌ദം കേട്ട് എണീറ്റു. കണ്ണൊക്കെ തിരുമ്മി ബെഡിൽ നിന്നും എണീറ്റു അലാറം ഓഫാക്കി.

അച്ഛൻ അലാറത്തിന്റെ ഒച്ച കേട്ടിട്ട് ഒന്നും വലിയ കുലുക്കം ഇല്ലാതെ നല്ല ഉറക്കത്തിലാണ്.

“ അച്ഛാ,, അച്ഛാ “ ഞാൻ രണ്ടു തവണ തട്ടി വിളിച്ചട്ടും അച്ഛൻ യാതൊരു കുലുക്കവും ഇല്ലാതെ അതേ കിടപ്പ് തന്നെയാണ്.

“ അച്ഛാ എണീക്ക്,, അച്ഛാ എണീക്കച്ച നേരം ആറ് മണി കഴിഞ്ഞു “ അച്ഛൻ എഴുന്നേൽക്കാത്തത് കണ്ടപ്പോൾ ഞാൻ വീണ്ടും അച്ഛനെ തട്ടി വിളിച്ചു. പക്ഷെ ഒരനക്കവും അച്ഛനിൽ നിന്നും ഉണ്ടായില്ല.

“ ദേ അച്ഛാ കളിക്കാതെ ഏണീറ്റെ അച്ഛാ,, “ ഇല്ല ഒന്നിനും പ്രതികരിക്കുന്നില്ല. എനിക്ക് ചെറിയ പേടി വരാൻ  തുടങ്ങി. അറിയാതെ തന്നെ എന്റെ  ഹൃദയം വേഗത്തിൽ ഇടിക്കാൻ തുടങ്ങി.

ഞാൻ അച്ഛന്റെ മൂക്കിന്റെ അരികിൽ വിറയലോടെ എന്റെ രണ്ടു വിരലുകൾ വച്ചു നോക്കി,, ഇല്ല ശ്വസിക്കുന്നില്ല എന്നിൽ അവസാനിച്ച ധൈര്യവും ഇല്ലാതെയായി.

എന്റെ വായിൽ നിന്നും ഒരക്ഷരം പോലും പുറത്തേക്ക് വരുന്നില്ല പേടി കാരണം. ഞാൻ അച്ഛൻ എന്നെ വിട്ട് പോയില്ലെന്ന് ഉറപ്പിക്കാൻ വേണ്ടി കയ്യിന്റെ ഞെരമ്പുകളിലെ പൾസും ഹൃദയത്തിന്റെ പൾസും ഞാൻ കൈകൊണ്ട് പരിശോധിച്ചു.