ദേവൂട്ടി 4❣️[Ambivert] 246

അങ്ങനെ 2 മൂന്ന് ദിവസം കൊണ്ട്  മിസ്സിന്റെ അസുഖം എല്ലാം മാറി കോളേജിൽ എത്തി.

ഞാൻ മിസ്സിന്റെ കൂടെ ഹോസ്പിറ്റലിൽ നിന്നത് എന്റെ ഫ്രണ്ട്‌സ് എല്ലാം അറിഞ്ഞിരുന്നു.

.അങ്ങനെ മിസ്സിന്റെ ലാബ് ഹവറിൽ എക്സ്പെരിമെന്റ്‌ കഴിഞ്ഞപ്പോൾ മിസ്സ്‌ എന്റെ അടുത്ത് വന്നിരുന്നു ഒരു ഫ്രണ്ടിനോട് എന്നപോലെ സംസാരിക്കാൻ തുടങ്ങി.ഇപ്പോൾ നമ്മൾ തമ്മിലുള്ള അകലം ഒരുപാട് കുറഞ്ഞിരിക്കുന്നു.മിസ്സിന്റെ സംസാരം ഒക്കെ കേട്ട് ഞാനും ഇരുന്നു.

ബാക്കി ഉള്ളവരെല്ലാം ക്ലാസ്സിലെ പെണ്പിള്ളേരുമായി കത്തി വച്ചിരിക്കുമ്പോൾ ഞാൻ മാത്രം മിസ്സിന്റെ കൂടെ.

ഇത് ബാക്കി ഉള്ള എല്ലാവരും ശ്രദ്ധിച്ചിരുന്നു.

അങ്ങനെ ലാബ് കഴിഞ്ഞ് ക്ലാസ്സിൽ എത്തിയപ്പോൾ എല്ലാവരും അതുവച്ചു കളിയാക്കാനും ഞാനും മിസ്സും തമ്മിൽ ലവ് ആണെന്നും പറയാൻ തുടങ്ങി. നമ്മൾ ഫ്രണ്ട്‌സ് മാത്രം ആണെന്ന് ഞാൻ പറഞ്ഞെങ്കിലും അവർ അത് സമ്മതിക്കാൻ ഒന്നും നിന്നില്ല. പിന്നീട് ഞാൻ മിസ്സിനോട് സംസാരിക്കുന്ന ഓരോ പ്രാവശ്യവും അവരുടെ കളിയാക്കലും കൂടി കൂടി വന്നു. അത് എനിക്ക് ഒരു തരം ടോർച്ചർ പോലെ ഫീൽ ചെയ്തു. അവരുടെ ഈ കളിയാക്കൽ എന്റെ മനസിനെയും ബാധിക്കുന്നുണ്ടായിരുന്നു മിസ്സിനോട് എനിക്കും ഒരു ഇഷ്ടം ഉടലെടുക്കുന്നത് ഞാൻ അറിഞ്ഞു….. !

ഒരു പക്ഷെ മിസ്സിനോട് പഴയപോലെ പെരുമാറാൻ എനിക്ക് ഇനി സാധിക്കുമോ എന്ന് അറിയില്ല മിസ്സ്‌ എങ്ങാനും ഇതറിഞ്ഞാൽ ഉള്ള അവസ്ഥ എന്തായിരിക്കും എന്ന ചിന്ത മറുഭാഗത്ത്.ഞാൻ ആകെ ധർമ സങ്കടത്തിൽ ആയി. പതിയെ മിസ്സിൽ നിന്ന് ഒരു അകലം പാലിക്കാൻ ഞാൻ തുടങ്ങി.