ദേവാഭദ്രം [വിച്ചൂസ്] 91

“നിങ്ങളുടെ ഫാമിലി അച്ഛൻ, അമ്മ, ഭാര്യ,കുട്ടികൾ?? ”

 

“അച്ഛനും അമ്മയും വളരെ ചെറുപ്പത്തിലേ മരിച്ചു…. പിന്നെ ഞാൻ വളർന്നത് എന്റെ അമ്മാവന്റെ സംരക്ഷണത്തിൽ ആണ്… തറവാട്ടിൽ നിന്നും…”

 

“ഇയാളുടെ ഭാര്യ “??

 

“കൂടെ ഉണ്ടായിരുന്നു… എന്നെ മടുത്തപ്പോൾ… അവൾ പോയി ”

 

“മം ഇപ്പോൾ എന്താ.. ഇങ്ങനെയൊക്കെ തോന്നാൻ ”

 

“അറിയില്ല.. ഡോക്ടർ ഞാൻ ഒന്ന് ഉറങ്ങിയിട്ടു കാലം ഒരുപാടായി.. രാത്രി കിടക്കുമ്പോൾ ഓരോ സ്വപ്‌നങ്ങൾ… പല ബിസിനസ്സും ചെയ്തു… ഗതി പിടിച്ചില്ല.. പലരെയും വിശ്വസിച്ചു… പക്ഷേ.. എല്ലാവരും ചതിച്ചു… ”

 

“എവിടെയാണ്… ഇയാള് താമസിക്കുന്നത്…”

 

“വാടക വീട് ഉണ്ട്.. അതും ഒരു സുഹൃത്തിന്റെ ദയ… ”

 

“നിങ്ങൾ ഇങ്ങനെ ഓരോന്നും ആലോചിക്കുന്നത് കൊണ്ടാകും… തന്റെ മനസ്സിൽ ആത്മഹത്യാ എന്നാ ഒരു ചിന്ത വന്നത്… അത് വേണം ആദ്യം മാറാൻ.. പിന്നെ… ഒറ്റക്ക് ഇരിക്കാതെ…പുറത്തൊക്കെ.. പോയി… നോക്കു… ശെരി ആകു… വ്യായാമം എന്തെങ്കിലും ഉണ്ടോ ”