ദക്ഷാർജ്ജുനം 5[Smera lakshmi] 142

അനന്തൻ അതും പറഞ്ഞു അകത്തേക്ക് കയറി പോയി.

 

ശെരി മുത്തശ്ശാ….

 

ദക്ഷ ഒരു ചോദ്യഭാവത്തോടെ വസുവിനെ നോക്കി.

 

വസു അവളെയും.

 

അവർ വേഗം പൂജാമുറിയിലേക്ക് നടന്നു.

 

ഇത്രയും വർഷങ്ങൾക്ക് ഉള്ളിൽ ഇന്നെ വരെ മുത്തശ്ശൻ തങ്ങളെ ആ പൂജാമുറിയിലേക്ക് വിളിക്കുകയോ ,

തങ്ങൾ അങ്ങോട്ട് പോകുകയോ ചെയ്തിട്ടില്ല ഇന്ന് എന്താ പറ്റിയത് എന്നവൾ ആലോചിച്ച് കൊണ്ട് അതിനകത്തേക്ക് കയറി.

 

അവൾ പൂജാമുറിയിലുടനീളം ഒന്ന് കണ്ണോടിച്ചു.

 

പഞ്ചലോഹത്താൽ നിർമിതമായ അർദ്ധനിമീലിത നേത്രങ്ങളോടെ പുഞ്ചിരി തൂകി നിൽക്കുന്ന ദുർഗ്ഗദേവിയുടെ മുഖതേജസ് വിളങ്ങി നിൽക്കുന്നു.

അതിനു മുൻപിൽ പട്ടിൽ പൊതിഞ്ഞ താളിഓല കെട്ടുകളും, കൈമണിയും പൂജാദ്രവ്യങ്ങളും.

അതിനടുത്തായി ഒരു നാഗ വിഗ്രഹവും.

 

തനിക്ക് മുമ്പിൽ ചുവന്ന പട്ടുടുത്ത് ആവണി പലകയിൽ ഇരിക്കുന്ന അനന്തനാരായണൻ അവരെ നോക്കി.

 

അവിടെ ഇരിക്കൂ.

 

മുൻപിലുള്ള പീഠത്തിലേക്ക് ചൂണ്ടിക്കാട്ടി

അനന്തനാരായണൻ ആവരോടായി പറഞ്ഞു.

 

ദക്ഷ മോളെ നീ ഇപ്പോൾ പൊയ്കൊണ്ടിരിക്കുന്നത് ഒരു അപകടാവസ്ഥയിലൂടെയാണ്.