താമര മോതിരം – ഭാഗം -17 (ഡ്രാഗൺ) 269

രാത്രിയുടെ ഏതോ യാമത്തിൽ തന്റെ ഉപബോധമനസിൽ താൻ സ്വപ്നം കണ്ടു ഞെട്ടിയതും മറ്റും ഉണ്ണിക്കു ഇപ്പോൾ ഓർത്തെടുക്കാൻ ആകുന്നുണ്ട്

ഇന്നലെ വൈദ്യരുടെ പ്രവർത്തിയിൽ ശരീരം മുഴുവൻ ഇല്ലാതായ അവസ്ഥായിൽ നിന്നും ഇപ്പോൾ കയ്യും കാലും ശരീരവും തിരിച്ചറിയാനും ആ ഭാഗങ്ങളൊക്കെ ശരീരത്തിൽ ഉണ്ടെന്നു മനസുളക്കുവാനും സാധിക്കുന്നുണ്ട് ഉണ്ണിക്കു

കണ്ണുകളിലുടെ മുകളിൽ കൂടി തുണി ഉള്ളതിനാൽ അത് തുറക്കാനോ കാണുവാനോ സാധിക്കുന്നില്ല – എന്നാലും തന്റെ ചുറ്റും ആരെല്ലാമോ ഉണ്ടെന്നും അവർ പരസ്പരം സംസാരിക്കുന്നുണ്ട് എന്നും ഉണ്ണിക്കു മനസിലാക്കാൻ സാധിക്കുന്നുണ്ട്.

താൻ ഇന്നലെ രാത്രി കണ്ട സ്വപ്നം അത് തന്നിൽ നിറച്ച ഊർജം അതിന്റെ ശക്തി കൊണ്ട് മാത്രം ആണ് തനിക്കു ഇങ്ങനെ ഒരു മാറ്റം ഉണ്ടായതെന്ന് തോന്നി ഉണ്ണിക്കു അപ്പോൾ

ഇപ്പൊ തനിക്കു വിശക്കുന്നുണ്ട് , വെള്ളം ദാഹിക്കുന്നുണ്ട് – അത് പറയാൻ കഴിയുന്നില്ല – തൊണ്ടയിൽ നിന്നും ശബ്ദം പുറത്തേക്കു വരുന്നില്ല.

ഇനി തന്റെ മുഴുവൻ ശക്തിയും എടുത്തു ഉച്ചത്തിൽ പറയാൻ ശ്രമിച്ചു “അല്പം വെള്ളം വേണം എന്ന് ”

എന്നത് അടുത്ത് നിന്ന വൈദ്യർ ഉണ്ണിയുടെ ചെറിയൊരു ഞെരുക്കം മാത്രമേ കേട്ടോളു –

പക്ഷെ അത് മതിയാരുന്നു വൈദ്യർക്ക് – തന്റെ ചികിത്സ ഫലിക്കുന്നു എന്ന് മനസിലാക്കാൻ

കാരണം ഈ ചികിത്സയുടെ അവസാനം രോഗി സ്വയം ഉറക്കം ഉണർന്നു എന്ന പോലെ തന്നെ ആകണം, എന്നാൽ മാത്രമേ അതിനെ പരിപൂർണ വിജയമെന്നു പറയാൻ സാധിക്കു.

ഒരു കുഞ്ഞു ജനിക്കും പോലെ തന്നെ പരിപൂർണമായും ഗുണമാകുന്ന തരത്തിൽ ആയിരിക്കും ഉയർത്തെഴുനേൽപ്പ് . ഇവിടെ ആ അത്ഭുതം സംഭവിക്കും എന്ന് വൈദ്യർക്ക് വിശ്വാസമായി

വൈദേശ്വരനെ മനസ്സിൽ ധ്യാനിച്ച് ശിഷ്യനെ നോക്കാൻ ഏൽപ്പിച്ചു വൈദ്യർ തന്റെ മുറിയിലേക്ക് നടന്നു – കണ്ണുകൾ നിറഞ്ഞു ചുണ്ടിൽ ശങ്കരധ്യാനം ജപിച്ചു കൊണ്ട്

അതെ സമയം ഉണ്ണി താൻ ഇന്നലെ കണ്ട കാഴ്ചകളിലൂടെ മനസിനെ കൊണ്ട് പോകാൻ ശ്രമിക്കുകയായിരുന്നു

താൻ എവിടേയോ കണ്ടു മറന്ന ഒരു കുളത്തിന്റെ കരയും

അവിടെ നിന്നുയർന്നു വന്ന പ്രകാശവും – അത് തേടി നടന്നു അവസാനം ജലത്തിൽ മുങ്ങി മരിക്കാൻ പോയതും – പിന്നെ ഏതോ ഒരു ശക്തിയുടെ മറവിൽ തന്റെ ജീവൻ തിരികെ കിട്ടിയതും മറ്റും

എന്നാൽ ആ ജലത്തിനടിയിൽ കിടക്കുബോഴും താൻ കണ്ട ആ ദിവ്യ പ്രകാശം – അത് തനിക്കു തന്ന ഊർജം – ചെറുതായൊന്നുമല്ല തന്റെ മനസിനെയും ശരീരത്തിനെയും സ്പർശിച്ചത്.

ഉണ്ണിയുടെ നാവുകൾ അവൻ പോലുമറിയാതെ ജപിക്കുകയായിരുന്നു

ഓം നമഃ ശിവായ ഓം നമഃ ശിവായ ഓം നമഃ ശിവായ

*****************