ഡെറിക് എബ്രഹാം 12 [അഹമ്മദ് ശഫീഖ് ചെറുകുന്ന്] 167

” അയ്യേ…. ഇല്ല….ആദി എന്ന പേരാണ് തനിക്ക് യോജിക്കുന്നത്.. ഡെറിക് എന്നൊക്കെ പോലീസുകാർക്കോ മാഫിയ ഗുണ്ടകൾക്കോ ഒക്കെ ഇടാൻ പറ്റിയ പേരാണ്….നിഷ്കളങ്കനായ തനിക്ക് ചേരില്ല.. ”

“എന്നാൽ നമുക്കതങ്ങോട്ട് മാറ്റിയേക്കാം.. അല്ലേ…? ”

“ഞാൻ എപ്പഴേ മാറ്റി….എന്റെ മനസ്സിലെ ആധാർ കാർഡിൽ ആദി എന്ന പേര് ആലേപനം ചെയ്തു കഴിഞ്ഞു ”

“ആഹാ…അത് ഉഷാറായല്ലോ…അടിപൊളി..”

“ആദീ…. ഞാനൊന്ന് ചോദിച്ചോട്ടെ ? ”

“എന്തിനാ മുഖവുര…. താൻ ചോദിക്കെടോ… ”

“താൻ ശരിക്കും എന്താണ് ചെയ്യുന്നത്…?

പലപ്പോഴും ഇവിടെ വീട്ടിൽ തന്നെ കാണാറുണ്ടല്ലോ…”

“അച്ഛൻ കുറേ സമ്പാദ്യം കുന്നുകൂട്ടി വെച്ചിട്ടുണ്ട്…. അതെങ്ങനെ നശിപ്പിക്കാമെന്ന് ചിന്തിച്ചു കൊണ്ടിരിക്കുന്നു…. അത് തന്നെയാണ് ഇപ്പോഴത്തെ പ്രധാന ജോലി ”

“തമാശയാക്കാതെ പറ ആദീ….”