ചെകുത്താന്‍ വനം 4- റോബിയും നന്മ എന്ന ശത്രുക്കളും[Cyril] 2169

“ഒരുപാട്‌ രണശൂരൻമാർ നിന്നെ വെറുക്കുന്നു, റോബി. പക്ഷേ നി അതൊന്നും ഓര്‍ത്ത് വിഷമിച്ചില്ല. എന്നിട്ടും നി അവര്‍ക്ക് നല്ലത് മാത്രം ചെയ്തു. നിന്നെ അടിമ പെടുത്താൻ ശ്രമിച്ചവരെ ക്ഷമിച്ചു, നിന്നെ കൊല്ലാന്‍ തുനിഞ്ഞവരെ പോലും പൊറുത്ത് വെറുതെ വിട്ടു. വേണമെങ്കിൽ അത്ര പേരെയും നിനക്ക് നിസ്സാരമായി കൊല്ലാന്‍ കഴിയുമായിരുന്നു — അത് നി ചെയ്തില്ല റോബി. നിന്നില്‍ ചെകുത്താന്റെ ശക്തി ഉണ്ടെങ്കിൽ പോലും നി നന്മയുടെ അവതാരം ആണെന്ന് ഒരിക്കലും മറക്കരുത്. എന്റെ സ്നേഹം എപ്പോഴും നിന്റെ കൂടെ ഉണ്ടാവും. നന്മയെ മറക്കരുത് — എന്നെ മറക്കരുത്.” അത്രയും പറഞ്ഞിട്ട് രാധിക ചേച്ചി എന്നില്‍ നിന്നും അകന്നു. പക്ഷേ അപ്പോഴും എന്റെ കയ്യില്‍ അവർ പിടിച്ചിരുന്നു.

“പന്ത്രണ്ട് ആകാൻ രണ്ട് മിനിറ്റ് മാത്രമുണ്ട്.” ഭാനു പറഞ്ഞു.

“റോബി ജീപ്പിന്റെ താക്കോൽ എടുത്തില്ലല്ലോ?” കൃഷ്ണൻ ചേട്ടൻ ചോദിച്ചു.

ഞാൻ ചിരിച്ചു. അവസാനം കൃഷ്ണൻ ചേട്ടൻ എന്നെ പേര് പറഞ്ഞ്‌ വിളിച്ചിരിക്കുന്നു. എനിക്ക് സന്തോഷം തോന്നി.

“ഞങ്ങൾ ജീപ്പിൽ പോകുന്നില്ല.” അത് പറഞ്ഞതും വാണി എന്റെ വലത് കൈയും ഭാനു എന്റെ ഇടത് കൈയിലും പിടിച്ചു.

എന്റെ ലോകത്ത് നിന്നും അപ്രത്യക്ഷനായി എന്റെ ലോകത്ത് തന്നെ വേറൊരു സ്ഥലത്ത്‌ പ്രത്യക്ഷപ്പെടാന്‍ കഴിയുമോ എന്ന് ഞാൻ നേരത്തെ ഒരു പരീക്ഷണം നടത്തിയിരുന്നു. പക്ഷേ അത് വിജയിച്ചില്ല.

അതുകൊണ്ട്‌ ഞാൻ അദ്യം ദ്രാവക ലോകത്ത് പ്രത്യക്ഷപെട്ടു. അത് കഴിഞ്ഞ് അവിടെനിന്നും ബാൽബരിത് ഉള്ള വീട്ടിന്റെ മുന്നില്‍ പ്രത്യക്ഷപ്പെട്ടു.

ചെകുത്താന്‍ ലോകത്ത് എന്താണ്‌ ഞങ്ങളെ കാത്തിരിക്കുന്നത് എന്ന് ഒരു അറിവും ഇല്ലാതെ അന്ധമായി ഞങ്ങൾ പോകുന്നു. ഞാൻ വാണിയേ നോക്കി. വാണി പുഞ്ചിരിച്ചു. എന്നിട്ട് ഞാൻ ഭാനുവിനെ നോക്കി. അവന്‍ ഇളിച്ച് കാണിച്ചു.

(തുടരും…)

അടുത്ത പാര്‍ട്ടിൽ പോകാൻ താഴേ ക്ലിക്ക് ചെയ്യുക. 

ചെകുത്താന്‍ വനം 5 – ചെകുത്താന്‍ ലോകം [Cyril]