ഗൗതം

Author :Safu

 

സ്വന്തം രക്തത്തിൽ ഒരു കുഞ്ഞ് വേണമെങ്കിൽ അതിനുള്ള മാർഗം ഇതല്ല പ്രിയാ ….. ഒരു വിവാഹമാണ് …..”

പ്രയാഗ് ദേഷ്യത്തോടെ പറഞ്ഞു …..

കത്തുന്ന ഒരു നോട്ടമാണ് പ്രിയ തിരികെ നൽകിയത് …….

പ്രിയയുടെ നോട്ടത്തിൽ പ്രയാഗ് ഒന്ന് പതറി ……

ഒന്ന് ശ്വാസം വലിചു വിട്ടു കൊണ്ട് പ്രിയയുടെ അരികിലേക്ക് ചേർന്നിരുന്നു ……

“പ്രിയാ …… ആർ യു ഷുവർ ? ”

പ്രയാഗ് വീണ്ടും ചോദിച്ചു ……

” ഉറപ്പാണ് ….. നൂറ് ശതമാനം ഉറപ്പാണ് ……. ”

പ്രിയ യുടെ വാക്കുകൾ ഉറച്ചതായിരുന്നു …..

” പ്രിയാ ….. യൂ ആർ സ്റ്റിൽ സോ യങ്ങ് ….. ഒന്നുകൂടെ ഒന്ന് ചിന്തിച്ചു നോക്ക് …… ഒരിക്കൽ എല്ലാവരുടെയും എതിർപ്പിനെ അവഗണിച്ചു കൊണ്ട് നീ എടുത്ത തീരുമാനത്തിന്റെ ഫലമാണ് ഇന്ന് നീ അനുഭവിക്കുന്നത് …… എന്നിട്ടും ഞങ്ങൾ നിന്റെ കൂടെ നിന്നു …… അതിന് ഞങ്ങൾക്ക് നീ തരുന്ന പണിഷ്മെന്റ് ആണോ നിന്റെ ഈ തീരുമാനവും …..? ”

അത്യധികം അമർഷത്തെ നിയന്ത്രിച്ചു കൊണ്ടാണ് പ്രയാഗ് പ്രിയയോട് ചോദിച്ചത് …..

“പ്രയാഗ് ….. ഇത് ….. ഇത് ആരെയും തോല്പിക്കാനോ തന്നിഷ്ടമോ അല്ല …… ഗൗതമിന്റെ സ്വപ്നമാണ് …… ഗൗതമിന്റെ സ്വപ്നമാണ് സ്വന്തം രക്തത്തിൽ ഒരു കുഞ്ഞ് ……ഗൗതമിന്റെ രക്തത്തിൽ ഒരു കുഞ്ഞ് …… ഇന്ന് ഗൗതം കൂടെ ഇല്ലെങ്കിലും അവന്റെ സ്വപ്നം എങ്കിലും എനിക്ക് സാധിച്ചു കൊടുക്കണം ……”

“”പ്രിയ ….. ഡൂ യൂ ഹാവ് എനി ഐഡിയ എബൌട്ട് ദി difficulties ഓഫ് എ സിംഗിൾ മദർ ….? ഇറ്റ്സ് നോട്ട് അറ്റ് ഓൾ ഈസി മോളൂ …… ”

പ്രിയയുടെ അച്ഛനും അവളെ പിന്തിരിപ്പിക്കാൻ ശ്രമിച്ചു …….

“പപ്പാ …… ഗൗതം എനിക്ക് കിട്ടാവുന്നതിൽ ഏറ്റവും ബെസ്‌റ് ഹസ്ബൻഡ് ആയിരുന്നു …… സംശയം ഉണ്ടോ പപ്പയ്ക്ക് ആ കാര്യത്തിൽ …..? ”

പ്രിയ തന്റെ അച്ഛന്റെ കൈകൾ നെഞ്ചോരം ചേർത്ത് പിടിചു കൊണ്ട് നിറകണ്ണുകളോടെ ചോദിച്ചു ……

ഇല്ലെന്ന് അദ്ദേഹം യാന്ത്രികമായി തലയാട്ടി ……

” പ്രയാഗിനെ പോലേ തന്നെ പപ്പയ്ക്ക് ഗൗതം സ്വന്തം മകനായിരുന്നു …… സ്വന്തം അച്ഛനായാണ് ഗൗതം പപ്പയെ കണ്ടതും പപ്പയോട് ഇടപഴകിയതും ….. അല്ലെ ….? ”

പ്രിയ വീണ്ടും ചോദിച്ചു …..

നിറകണ്ണുകളോടെ പ്രിയയുടെ അച്ഛൻ അതെ എന്ന് തലയാട്ടി ……

പ്രിയ അതിനൊന്ന് പുഞ്ചിരിച്ചു …..

” പ്രയാഗ് …… നിനക്ക് ഗൗതം എന്നും ഒരു സഹോദരനും സുഹൃത്തും ആയിരുന്നു …… അങ്ങനെ ആയിരുന്നില്ലേ പ്രയാഗ് …..? ”

പ്രിയ തന്റെ അച്ഛന്റെ വശത്ത് നിന്നും തിരിഞ്ഞ് തന്റെ സഹോദരനായ പ്രയാഗിന്റെ നേരെ തിരിഞ്ഞു ……