എങ്ങോട്ടാണ് ഈ യാത്ര. എവിടേക്കാണ് ഈ യാത്ര.
ഒരുവിധത്തിൽ പറഞ്ഞാൽ ഇതും ഒരു ഒളിച്ചോട്ടമല്ലേ….
പലവട്ടം ജീവൻ ഒടുക്കിയാലോ എന്ന് കരുതിയതാ…. . അതിന് ധൈര്യമില്ലാതായി പോയി.
സ്നേഹിക്കാനും കാത്തിരിക്കാനും ആരുമില്ലാത്തവൻ എങ്ങനെ ജീവിച്ചാൽ എന്താ …?

സമയം അർദ്ധരാത്രി .  ഈ നടപ്പ് തുടങ്ങിയിട്ട് കുറച്ചധികം സമയമായി. ഇടയ്ക്ക് റോഡിൽ തെളിയുന്ന  തെരുവ് വിളക്കിന്റെയും ചീറിപ്പാഞ്ഞു പോകുന്ന വാഹനങ്ങളുടെയും വെളിച്ചം കാണാം.  മൂങ്ങയുടെ മൂളലും നായയുടെ ശബ്ദവും ഇടവിട്ട് കേൾക്കാം.

ഭയം ഇല്ലേ എന്ന് ചോദിച്ചാൽ,  ഭയം ഇല്ല എന്ന് തന്നെ പറയാം. മനസ്സ് ചത്തവന് എന്ത് ഭയം.

തള്ളിപ്പറയാൻ ബാക്കിയുള്ള ആളും,
ഇന്ന് തന്നെ തള്ളിപ്പറഞ്ഞു. എല്ലാവരെയും സ്നേഹിക്കാൻ മാത്രേ പഠിച്ചിട്ടുള്ളൂ.

ഈ ചതിയുടെയും വഞ്ചനയുടെയും  കാപട്യത്തിന്റെയും ലോകത്ത് ആത്മാർത്ഥ സ്നേഹത്തിന് എന്ത് വില.

ഇന്ന് അമ്മയുടെയും അച്ഛന്റെയും വിവാഹവാർഷികമായിരുന്നു. ഈ നല്ല ദിവസം തന്നെ വീട്ടിൽ നിന്ന് പുറത്താക്കപ്പെടും  എന്ന് ഒരിക്കലും കരുതിയതല്ല.

ഒന്നും മനസ്സിലായില്ല അല്ലെ,
ഞാൻ എങ്ങനെ ഇവിടെ എത്തിയെന്നും എന്നെ കുറിച്ചും  അറിയണമെങ്കിൽ നമുക്ക്   കുറച്ചു കാലം പുറകിലോട്ട് സഞ്ചാരിക്കണം.

ബ്ലും…ബ്ലും…. ബ്ലും…
ഫ്ലാഷ്ബാക്ക് 😂

പുത്തേടത്ത് വീട്ടിൽ ദാസന്റെയും ഭാര്യ ജാനകിയുടെയും മൂന്ന് മക്കളിൽ രണ്ടാമത്തത് ആണ് ഞാൻ …
പേര് ” ഈശ്വർ “.
മൂത്തത് ചേട്ടൻ ‘”മഹേഷ്വർ.
ഇളയത് അനിയത്തികുട്ടി   ” നന്ദന “

ജനിച്ചപ്പോൾ തന്നെ കറുപ്പ് നിറം ആണ്. കറുപ്പ് എന്ന് പറഞ്ഞാൽ നല്ല കറുകറുപ്പ്.