ഒരു ബാംഗ്ലൂർ വാരാന്ത്യം 9 [Santhosh Nair] 955

സാർ എന്റെ ക്യൂബിക്കിളിൽ വന്നു, “മാധവ, ലെറ്റസ്‌ ഗോ ഫോർ ലഞ്ച്. കാന്റീൻ വേണ്ടാ, നമുക്ക് പാംഗ്രോവ് പോയാലോ? പെട്ടെന്ന് പോയിട്ട് വരാം. നടക്കാം. കുറച്ചു സംസാരിക്കാറുണ്ട്. ഭാഗ്യത്തിന് ഓൺലൈൻ ഓഡിറ്റ് ആണ് ആദ്യം. പക്ഷെ പിയർ റിവ്യൂവിനു ദുബായ് ബ്രാഞ്ചിൽനിന്നും റിസ്ക് പർസോനൽ ഒരാൾ നാളെ രാവിലെയെത്തും. പ്രോസസ്സ് എല്ലാം അരിച്ചുപെറുക്കി നോക്കും, ബി വെരി വെരി കെയർഫുൾ. കഴിഞ്ഞപ്രാവശ്യം നമുക്ക് ആംബർ ആയിരുന്നു. ഇത്തവണ ഗ്രീൻ കിട്ടിയിരിക്കണം എന്നാണു സിഫ്‌ഒ ഇന്ന് രാവിലെ പറഞ്ഞത്.”

സാർ സംസാരിച്ചുകൊണ്ടു നടന്നു, പെട്ടെന്ന് തന്നെ ഞങ്ങൾ റെസ്റ്റാറന്റിൽ എത്തി. സ്ഥിരം വരുന്നതിനാൽ ഒരു സർവീസ് പേർസണൽ വന്നു ഞങ്ങൾക്കൊരു കോർണർ സീട് ഒപ്പിച്ചു തന്നു. നല്ല ഭക്ഷണം ആണിവിടുത്തേത്. നല്ല വിശപ്പുണ്ടായിരുന്നതിനാൽ മൂക്കുമുട്ടെ കഴിച്ചു. സാർ പറഞ്ഞു “ഡേയ് ഒത്തിരി വാരിവലിച്ചു കഴിച്ചു സീറ്റിൽ ഇരുന്നു ഉറങ്ങല്ലേ, പ്രോസസ്സ് ഒന്ന് റിവ്യൂ ചെയ്തു എന്തെങ്കിലും ഗാപ് ഉണ്ടോന്നു നോക്ക്. ഫയൽസ് എല്ലാം ഒന്ന് ഓർഗനൈസ് ചെയ്യണം. ആർക്കിവൽ എല്ലാം പാസ്സ്‌വേർഡ് പ്രൊട്ടക്ററ് ആണോന്നു നോക്കണം.  എല്ലായിടത്തും നിന്റെ കണ്ണെത്തണം. എന്തെങ്കിലും സംശയം ഉണ്ടെങ്കിൽ ചോദിക്കണേ. വെ ഷുഡ് ബി ഓൺ ഹീൽസ്. ചോദിക്കുന്ന ഡാറ്റ ടപ്പ് ടപ്പ് എന്ന് കൊടുത്താൽ വലിയ പ്രശ്നം ഉണ്ടാവില്ല. വരുന്നയാൾ ഒരു സീനിയർ മെമ്പർ ആണ്. അല്പം ചൂടനും. അതാണ് നിന്നെ ഏൽപ്പിക്കുന്നത്. ബെസ്ററ് ഓഫ് ലക്ക്”.

ഭക്ഷണം കഴിഞ്ഞു ഞങ്ങൾ തിരികെ വന്നു. വീണ്ടും ജോലിയോട് ജോലി. ഫയൽ ഫോൾഡർ എല്ലാം റീ-ചെക്ക് ചെയ്തു, ഡാറ്റ സെക്യൂർ ആക്കേണ്ടതെല്ലാം segregate ചെയ്തു. ആർക്കിവൽ എല്ലാം ചെക്ക് ചെയ്തു. സാർ പറയാറുണ്ട്, ഞാൻ വളരെ ഓർഗനൈസ്‌ഡ്‌ ആണെന്ന്.  അതുകൊണ്ടു തന്നെ ടീമിന്റെ അഡ്മിൻ ഞാനാണ് നോക്കുന്നത്. പ്രോസസ്സ് എല്ലാം re-റൺ ചെയ്തു നോക്കി, ഗാപ്സ് കണ്ടു പിടിച്ചതെല്ലാം നോട്ട് ചെയ്തിട്ടു ഡോക്യുമെന്റ് ചെയ്തു സാറിന്റെ നോഡ് വാങ്ങി രജിസ്റ്റർ ചെയ്തു. ഇപ്പോൾ ഡോക്യൂമെന്റഷന് റെഡി. ഓഫീസിൽ നിന്നും ഇറങ്ങാൻ തുടങ്ങുമ്പോൾ പതിനൊന്നു മണി കഴിഞ്ഞു. സാർ പിസ്സ ഓർഡർ ചെയ്തിരുന്നു. അപ്പോഴേക്കും ഞങ്ങളുടെ റിപ്പോർട്ടിങ് അനാലിസിസ് സ്റ്റാഫ് എല്ലാ പേരും വന്നു, ഒരു ചെറിയ മീറ്റിംഗ്. പിസ്സ കഴിച്ചുകൊണ്ട് തന്നെ എല്ലാവരും മീറ്റിങ് അറ്റൻഡ് ചെയ്തു.

“ഗയ്‌സ്, ബി കെയർഫുൾ. ID കാർഡ് വിസിബിൾ ആയിരിക്കണം. ബി ഇൻ യുവർ ഫോർമൽ വെയേഴ്സ്, ടൈ കെട്ടിക്കോളൂ, ക്ലീൻ ഡെസ്ക് പോളിസി അഡോpt ചെയ്യണം. ഡെസ്കിൽ ആവശ്യമില്ലാത്ത ഒന്നും വേണ്ട.   ഇതൊരു വർക്ക് പ്ലസ് ക്വാളിറ്റി ഓഡിറ്റ് കൂടിയാണ്, ഔർ പ്രസ്റ്റീജ് ഇഷ്യൂ.” അദ്ദേഹം കുറെ സംസാരിച്ചു. ഭക്ഷണം കഴിഞ്ഞു എല്ലാവര്ക്കും ഗുഡ് നൈറ്റ് പറഞ്ഞു, ഞങ്ങൾ ഇറങ്ങി.

സാർ ചോദിച്ചു “മാധവന്റെ വണ്ടി എവിടെ?, നാട്ടിൽനിന്നു കൊണ്ടുവന്നില്ലെ? എങ്ങനെ പോകും? ഞാൻ ഡ്രോപ്പ് ചെയ്യണോ?”

“വേണ്ട സാർ. ഞാൻ ബാലന്റെ കൂടെ പൊയ്ക്കോളാം. അവൻ ജീവൻ ഭീമ നഗർ ആണ്. എന്നെ ഡ്രോപ്പ് ചെയ്യും.”

“ശരി, ഓക്കേ, ഗുഡ് നൈറ്റ് ഡാ”  സാർ ജയനഗറിൽ ആണ് താമസിക്കുന്നത്. എന്തിനു ബുദ്ധിമുട്ടിക്കണം?

ഞാൻ ബാലന്റെ ബുള്ളറ്റിന്റെ പുറകിൽ ഇരുന്നു. (എനിക്ക് ബുള്ളറ്റ് കാണാൻ ഇഷ്ടമാണ് കേട്ടോ. പക്ഷെ ഗിയർ ഉള്ള ഒരു ബൈക്കും ഓടിക്കാനറിയില്ല, ഭാഗ്യത്തിനു). നാട്ടിൽ ഒരു ഗിയർ ലെസ്സ് ബൈക്ക് ഉണ്ട്. അതും അങ്ങനെ എടുക്കാറില്ല. നടക്കുക, ബസ്സിൽ പോകുക. കാറുള്ളപ്പോൾ മാത്രം അതിൽ പോകുക എന്നിവയാണ് അടിയന്റെ യാത്രാ രീതികൾ. ട്രെയിൻ ബിൽകുൽ ഇഷ്ടം നഹി ഹൈ.)  ബാലൻ സ്പീഡ് കൂട്ടിപ്പറന്നു, അവന്റെ തോളിൽ ഇറുക്കിപ്പിടിച്ചുകൊണ്ടു ഞാൻ കണ്ണടച്ചിരുന്നു – സത്യമായിട്ടും പേടിചിട്ടല്ല.

“മാധവൻ സർ, വീടെത്തി. കണ്ണ് തുറന്നോളൂ”  എന്ന് പറഞ്ഞപ്പോൾ ആണ് ഞാൻ കണ്ണ് തുറന്നതു.