ഒന്നും ഉരിയാടാതെ… 11

Onnum uriyadathe

Author : നൗഫു ||| Previuse part

“നിനക്കു സങ്കടമില്ലേ ഇപ്പൊ..”

“ഞാൻ എന്തിനാ സങ്കടപെടേണ്ടത്… നമുക്ക് വേണ്ടിയവരെ പടച്ചോൻ നമ്മുടെ മുന്നിലേക്ക് ഒരു കൈ അകലത്തിൽ.. എത്തിച്ചു തരും..”

“ബാവു.. നീ അവളെക്കാൾ ആരെയെങ്കിലും ഇഷ്ട്ടപെടുന്നുണ്ടോ ഇപ്പൊ… ഉമ്മയും ഉപ്പയും അല്ലാതെ ആണുട്ടോ…”

“അങ്ങനെ ചോദിച്ചാൽ…”

“അത് പോട്ടേ.. ഞാൻ വേറെയൊരു കാര്യം ചോദിക്കാം.. നിനക്ക് അവളെ ആണോ എന്നെ ആണോ കൂടുതൽ ഇഷ്ടം…??”

എന്നിൽ വരുന്ന ഉത്തരത്തിനായ് കാതോർത്തു കൊണ്ട് നാജി… ഫോണും ചെവിയിൽ വെച്ചിരുന്നു.. ഞാൻ എന്താ പറയേണ്ടത് എന്നറിയാത്ത ഒരു അവസ്ഥയിലും…

S

എന്താ ഞാൻ പറയാ.. രണ്ടേ രണ്ടു ദിവസം മുമ്പ് മാത്രം എന്റെ ജീവിതത്തിലേക്കു വന്നവൾ.. പക്ഷെ ഹാജറയും നാജിയും തമ്മിൽ ഒരു വ്യത്യാസം ഉണ്ട്.. നാജി എന്റെ മഹർ വാങ്ങി വന്നവളാണ്..

എന്നാലും ഞാൻ നാജിയെ ഇഷ്ട്ടപെടുവാൻ തുടങ്ങിയോ… ഇല്ല.. ഇല്ല.. എന്റെ മനസ്സ് എന്നോട് തന്നെ പറഞ്ഞു…

“ഇല്ല നാജി.. ഞാൻ ഇപ്പോൾ ഹാജറയെ ഇഷ്ട്ടപെടുന്നില്ല… അത് പോലെ തന്നെ നിന്നെ ഇഷ്ട്ടപ്പെടാൻ തുടങ്ങിയിട്ടുമില്ല…”