എന്റെ ഗീതൂട്ടി ?? 5 [John Wick] 83

വെളുത്തു തുടുത്ത അവളുടെ മുഖത്ത് ആ രണ്ട് വെള്ളാരം കണ്ണുകൾ രണ്ട് നക്ഷത്രകുഞ്ഞുങ്ങളെ പോലെ പ്രതിഫലിച്ചിരുന്നു…….

രണ്ട് ചുവന്നു തുടുത്ത ചുണ്ടുകൾ….ജന്മനാ ഉള്ളതോ അതോ ഈ വെയിൽ തട്ടി ചുവന്നതോ ആയ കവിളിണകൾ അവളുടെ വട്ടമുഖത്തിന് ശോഭയേറെ കാണിച്ചിരുന്നു…..

ആകെ കൂടെയൊരു വെണ്ണക്കൽ പ്രതിമ….അവൾ പതിയെ മുന്നിലെ ബെഞ്ചിൽ തന്നെ സ്ഥാനമുറപ്പിച്ചു…..

ഒരു നിമിഷം ഞങ്ങളുടെ ക്ലാസ്സ്‌റൂം ഒന്നടങ്കം വന്നതാരെന്ന് അറിയുവനായി കൊതിച്ചു…..കൂടെ ഞാനും….

“അമ്പോ….എന്താടാ ഇത്….ഒരുമാതിരി ഐശ്വര്യ റായ് പോലെ ഉണ്ടല്ലോ…..”എന്റെ അടുത്തിരുന്ന അഖിൽ എന്നോട് അടക്കം പറഞ്ഞു….

“ഏതേലും വല്യ വീട്ടിലെ കുട്ടിയാവും….”അഖിലിന്റെ അപ്പുറത്തിരുന്നവൻ അവന്റെ ഒരു നിഗമനം പറഞ്ഞു….

ഞാൻ ഒന്നും മിണ്ടാതെ ആ വെണ്ണക്കല്ലിൽ തീർത്ത ശില്പത്തെ തന്നെ നോക്കിയിരുന്നതേയുള്ളു……

“അപ്പൊ കുട്ടികളെ… ഞാൻ ആണ് ഈ വർഷത്തെ നിങ്ങളുടെ പുതിയ ക്ലാസ്സ്‌ ടീച്ചർ….എന്റെ പേര് അനിത….. ഞാൻ പഠിപ്പിക്കുന്നത് സോഷ്യലാണ്..”കുറച്ച് നേരത്തിനു ശേഷം ഞങ്ങളുടെ പുതിയ ക്ലാസ്സ്‌ ടീച്ചർ സ്വയം പരിചയപ്പെടുത്തി….

“ഇനി നിങ്ങൾ ഓരോരുത്തരായി സ്വയം പരിചയപെടുത്തു….ആദ്യം കുട്ടി തന്നെ തുടങ്ങിക്കോളൂ….”അനിത ടീച്ചർ ആ വെണ്ണക്കൽ ശില്പത്തിനോട് പറഞ്ഞു….

അവൾ അവൾ പതിയെ അവളുടെ ബാഗ് ബെഞ്ചിൽ വെച്ച് എഴുനേറ്റ് ക്ലാസ്സിനെ അഭിമുഖീകരിക്കും വിധം വന്നു നിന്നു……