എന്റെ ഗീതൂട്ടി ?? 5 [John Wick] 82

അങ്ങനെ എല്ലാവരും കാത്തിരുന്ന തിരുവോണം വന്നെത്തി….എല്ലാവരും അതിരാവിലെ എണീറ്റ് കുളിച്ച് ഓരോ പണികളിൽ ഏർപ്പെട്ടു…..

ഇന്ന് ഹോട്ടലും സൂപ്പർ മാർക്കറ്റും ഇല്ലാത്തതിനാൽ അമ്മയും അച്ഛനും ഞങ്ങളുടെ കൂടെ ഉണ്ടായിരുന്നു…..

എല്ലാവരും പുതിയ ഡ്രസ്സ്‌ ഒക്കെ ഇട്ടു…ഞാൻ ഒരു ഷർട്ടും മുണ്ടുമായിരുന്നു വേഷം….ഗീതൂട്ടി ഒരു മഞ്ഞ പട്ടുപാവാട ആയിരുന്നു….അവളെ കാണാൻ ആ ഡ്രസ്സിൽ നല്ല ഭംഗിയായിരുന്നു….

വല്യേച്ചി ഒരു പച്ച പട്ടുപാവാട ആയിരുന്നു….അച്ഛന്മാരെല്ലാം മുണ്ടും ഷർട്ടും….അമ്മമാർ സെറ്റ് സാരികളുമായിരുന്നു…..

രാവിലെ നേരത്തെ എഴുനേറ്റ് അമ്മയും ചെറിയമ്മയും സരസ്വതിയമ്മയും അടുക്കളയുടെ ചാർജ് ഏറ്റെടുത്തു…..

ഇളയമ്മയും ഗീതൂട്ടിയും വല്യേച്ചിയും കൂടെ പൂക്കളത്തിന്റെ ചാർജും ഏറ്റെടുത്തു….അച്ഛന്മാരെല്ലാവരും ഉമ്മറത്തിരുന്ന് ഉച്ചക്കുള്ള സദ്യക്ക് വേണ്ടി പച്ചക്കറി അരിയുകയായിരുന്നു…..

ഈ കൂട്ടത്തിൽ ഞാൻ മാത്രം പ്രത്യേകിച്ച് യാതൊരു പണിയുമില്ലാതെ നടന്നു…..ഇഷ മോളെയും ഇഷാനെയും എഴുനേൽപ്പിച്ചിട്ടില്ല……

ഇത്ര നേരത്തെ അവരെ എഴുനേൽപ്പിച്ചാൽ പിന്നെ എല്ലാവർക്കും അവരുടെ പിന്നാലെ നടക്കേണ്ടി വരും…..

അങ്ങനെ ഒരു വിധം പൂക്കളമിട്ടു കഴിഞ്ഞ ഗീതൂട്ടിയും വല്യേച്ചിയും വേഗം തന്നെ മുറിയിൽ പോയി കാലും മുഖവും കഴുകി വന്നു……

അവർ അമ്പലത്തിലേക്ക് പോകുവാനായി എന്നേയും വിളിച്ചു….ഞാനും മുറിയിൽ പോയി കാലും മുഖവും കഴുകി അവരുടെ കൂടെ അമ്പലത്തിലേക്ക് നടന്നു…..